|
|
Все статьи
19 января, 2022 - 17:53
Къуралгъан аманлыкъчы къауумну башчысына ачылгъан уголовный иш Нальчикни шахар сюдюню къараууна берилгенди. Ол законсуз сауутланы сатханы ючюн терсленеди. Аны юсюнден бизге республиканы прокуратурасындан билдиргендиле.
19 января, 2022 - 17:51
Сыйлы Къуранда кёп тюрлю шартла бардыла. Ала шёндюгю технологиялы заманда, 21 ёмюрде, алимлени сейирге къалдырадыла. Бюгюн а Сыйлы китапда бла исламда 13 тарих бла байламлы шартланы юслеринден айтыргъа, аны бла байламлы ырысланы чачаргъа сюебиз.
19 января, 2022 - 17:01
Орта ёмюрледе кёп тюрлю хунерлери, уллу окъуулары болгъан адамла аз тюйюл эдиле. Араплы Григорий Иоанн Абуль-Фарадж Бар-Эбрей аллайланы ичинде энчи жерни алады.
19 января, 2022 - 16:16
Полициячыла «Прохладный-Бахсан-Элбрус» жолда болгъан аварияны сылтауларын тинтедиле. Толу болмагъан шартлагъа кёре, аны кезиуюнде эки адам ауушханды, ючеулен, ол санда сабий да, больницагъа жетдирилгендиле.
19 января, 2022 - 16:12
Жашауда аслам затны асыры терк тюрлене баргъаны адам улугъа бир жанындан тынчлыкълы эсе да, бирси жаны бла уа аны саулугъуну качествосун тозуратхан аурууланы саны ёсе баргъанына да себеплик этгени жарсыулу шартды. Эм жайылгъанлагъа уа жюрек-тамыр ауруула саналадыла. Кеслери да энди жаланда жыл санлары уллайгъанлада угъай, жаш адамлада да тюбейдиле.
19 января, 2022 - 14:46
Зухураны баш иеси эртте ёлюп, тёрт сабийни анга кесинлей ёсдюрюрге тюшгенди. Болушлукъ этген хазна адам болмагъанды. Къалай-алай болса да, юч жашына бла къызына бийик билимле алдырып, юйюрлюле да этгенди таулу ана.
19 января, 2022 - 14:23
Жыл сайын бизни къыралда жюреклери ауруп 1,3 миллион адам ауушады. Ол а бир область араны халкъы чакълы бирчады. Аны ючюн жюрек, тамырла ауруп башлагъанларын кёргюзтген шартлагъа сакъ болургъа керекди.
19 января, 2022 - 14:11
Къабарты-Малкъарны художестволу гимнастикадан федерациясыны вице-президенти Наталья Короткова билдиргенича, республиканы гимнасткалары СКФО-ну бла ЮФО-ну биринчилигинде жетишимли болгъандыла.
18 января, 2022 - 17:07
Совет милицияны майору Тохаланы Абдуллахха Хушто-Сыртны аягъында Чегем чучхурлагъа баргъан таргъа кирген жерде орналгъан «Тарны иеси» деген ашханасында тюбегенбиз. Ол аны жашлары бла бирге ариу, суу ташланы сайлап алай къалагъанлы 15 жылгъа жууукълашханды.
18 января, 2022 - 16:50
Къабарты-Малкъар Республиканы Башчысы Казбек Коков коронавирус жукъгъан аурууну жангы толкъунуна хазырланыуну чегинде КъМР-ни Правительствосуну Председатели Мусукланы Алий эм КъМР-ни саулукъ сакълау министри Рустам Калибатов бла ишчи кенгеш бардыргъанды.
18 января, 2022 - 16:47
Черек районда эки Маданият юйге эмда бир сабий садикге ремонт этилип бошалгъанды. Юйледен бири Къашхатаудады, экинчиси уа Огъары Малкъарда. Биринчисине эмда бу шахарда «Нюр» садикге «Эл тийрелени тынгылы айнытыу» деген къырал программаны чеклеринде, экинчи Юйге уа «Маданият» миллет программаны хайырындан ремонт этилгенди, деп билдиргендиле Къурулуш эм жашау журт – коммунал мюлк министерстводан.
18 января, 2022 - 16:38
Бабугентден 24-жыллыкъ Бёзюланы Харун боксдан «Нype Fighting» хорлап, гран -при къоллу болгъанды. Ол бек кючлю боксчула Марат Исаевны, Арби Эмиевни эмда Эмиль Новрузовну онглагъанды.
18 января, 2022 - 14:30
КъМР-ни Къурулуш эмда жашау журт-коммунал мюлк министерствосундан билдиргенлерича, республикада «Билим бериу» миллет проектге кёре иги кесек иш бардырылады. Аны чеклеринде билим бериу учрежденияланы ырысхы-техника мурдорлары игилендириледи, оборудование бла жалчытылынадыла эм жангы мектепле ишленедиле.
18 января, 2022 - 14:28
Жантуудуланы Азамат жетишимли спортчуду, тренерди, Хасанияда къатыш единоборстволадан сабийлени юйретеди. Бюгюнлюкде ол Нальчикде МВД-да ишлейди, ведомствону атындан эришиулеге къатышады, аскер самбодан бла кик боксингден спортну устасыды, тайский боксдан бла грепплингден спортну устасына кандидатды.
18 января, 2022 - 12:51
Ленинград блокаданы чачдырыу операция 12 январьда башланнганды
1943 жылда 12 январьда къуршоугъа тюшген Ленинградны эркин этиу, блокаданы чачдырыу операция башланнганды. Ол кезиуге жигит шахар душманны къуршоуунда тургъанлы юч жыл озгъанды. Немисли командование Ленинград ючюн сермешде аскерчилери, техникалары кёп санда тас боллукъларын ангылап, шахарны ачдан, суусапдан къыйнап, жер юсюнден жокъ этерге умутлу эди. Алай шахарны эркинлиги ючюн къазауат ол къуршоугъа тюшген кюнден башлап, юч жылны ичинде ахырда тохтамагъанды.
18 января, 2022 - 12:23
«Машук-2021» Шимал-Кавказ жаш тёлю форумну конкурсунда хорлагъан проектге кёре, Къабарты-Малкъарда тенг онгла берген «Адаптол» жаш тёлю медицина-биология школ ишлеп башларыкъды, деп билдирегендиле республиканы оноучусуну пресс-службасындан.
18 января, 2022 - 10:50
2022 жылда Къабарты-Млакъарда билим берген оргнизацияланы бир къауумуна тынгылы ремонт этерикдиле, «Кванториум» сабий технопарк ачыллыкъды эм школла ишленирикдиле, деп билдиргендиле республиканы оноучусуну пресс-службасындан.
17 января, 2022 - 17:45
Россельхозбанкны Къабарты-Малкъарда бёлюмю былтыр республикада инвестициялы проектлени тамамлаугъа 317 миллион сом жибергенди. Буруннгу жыл бла тенглешдиргенде бу кёрюмдю сегиз кереге кёбейгенин билдиргендиле финанс учрежденияны пресс-службасындан.
17 января, 2022 - 17:45
Тарыхчы, архивист, краевед Марк Ильин «Адамла жунчуп, абызырап башласала, кеслерини тарыхларына, ата-бабаларыны жашау сынамларына къарап, аладан къарыу, таукеллик алыргъа кюрешедиле» деп алай айтыучу эди.
17 января, 2022 - 17:42
«Жашау журтла эмда шахарда болум» миллет проектге кирген «Тап шахар болум къурау» деген къырал программаны чеклеринде былтыр Къабарты-Малкъарда кёп къалмай токъсан арбаз бла 34 жамауат тийре жангыртылгъанды.
Страницы
|
