|
|
Все статьи
25 августа, 2022 - 18:38
Бусагъатда семизликден къыйналгъанла, арыкъ болургъа кюрешгенле кёпдюле, ала барысы да диетала тутаргъа кюрешедиле. Алай бир – бирде ол диеталаны хаталарындан больницагъа окъуна тюшедиле. Саулукъну бузмай, артыкъ килограммланы къалай кетерирге боллукъду? Аны юсюнден Санкт – Петербургда 42чи номерли больницаны участка терапевти Сардиянланы Азамат айтханды:
25 августа, 2022 - 15:29
Назраньда самбодан жашланы араларында «Кубок Чингиз» деген аты бла битеуроссей эришиу къуралгъанды, анга бизни республикадан Бахсанны спорт школуну келечилери къатышхандыла. Ала, алты алтын, тёрт кюмюш эм он доммакъ майдал къытып, битеукоманда эсепде биринчи жерни алгъандыла.
Кеслерини ауурлукъ къауумларында Мухамед Жиляев, Къудайланы Ислам бла Беслан, Темирлан Каншоев, Темирлан Кочесоков, Кантемир Лотоков хорлагъандыла, хорламгъа итиниулюгю ючюн энчи саугъагъа Муса Бесланеев тийишли болгъанды. Спортчуланы тренерле Мурат Пченашев бла Султан Карамышев юйретедиле.
25 августа, 2022 - 13:02
Шауурдатдан къарап Чайнашкыны ол жагъасындан эки жюз атлам ёргеракъда Губус таш кёрюнеди. Ол тёртгюлдю, къаралдымды. Аны иги кесеги жерге кирипди. Ортасында юч челек суу сыйыннган чунгуру барды. Не жаз, не къыш , къургъакъ, жауунлу заманда да таш къууушда суу таркъаймайды. Сууну бети селю да этмейди, агъып тёгюлюп да турмайды. Татыуу мыстыракъды. Аны къатында къанатлыла кёрюнмейдиле, алайгъа къурт-къумурсха да сюркелмейди. Сууну бети жарыкъды, теренлиди бир къарышды.
25 августа, 2022 - 13:00
Нальчикни Дубки тийресинде 5-чи номерли «Кюнчюк» сабий садны мекямы кёп жылладан бери да тарлыкъ этип тура эди. Эки жыл мындан алгъа уа анга къошакъ мекям ишленип башланнган эди да, быйыл толусунлай хайырланылыргъа берилгенди. Аны отоулары жарыкъдыла, жылыдыла. Юйню ичинде уа къабыргъалада тюрлю-тюрлю жомакъланы жигитлерини суратлары кёзню къууандырадыла. Мен ары баргъан кюн бир къауум тиширыу клумбаланы тёгереклеринде ташларына тюрсюнлю бояула жагъа, эр кишиле уа тёммекчиклени кесип, аладан столчукъла, шинтикчикле жарашдыра тура эдиле.
25 августа, 2022 - 09:05
Омск областьдан жетижыллыкъ Коля Кругляченко устазларын, тенглерин да кесини айтхылыкъ фахмусу бла сейирсиндиргенлей турады: темирден ишленнген затла аны чархына тюз да жабышдырылгъанча «къатып» къаладыла.
25 августа, 2022 - 08:33
Кёп болмай «Таврида.АРТ» фестивальны баш сахнасында кавказ тепсеулени номеринден къуралгъан батлда миллет кийимлени, маданиятны эм тепсеулени энчиликлери бла шагъырейленирге онг табылгъанды. Анга Россейни жети регионундан: Къабарты-Малкъардан, Къарачай-Черкесден, Дагъыстандан, Ингушетиядан, Шимал Осетиядан эм Чеченден коллективле эм энчи тепсеучюледен жюзге жууукъ адам къатышханды.
24 августа, 2022 - 14:13
Тинтиучюле чайны, кофени, какаону бла сууну хайырлылыкъларын тенглешдирип кёргендиле. «Узакъ ёмюрлюкге кофеден игиси жокъду!» - экспертлени бир къаууму. «Угьай, жашил чай ичгенле кёбюрек жашайдыла», -деп тохтагъандыла башхала. «Къара чайны саулукьгьа хайыры асламыракъ боллукьду»,- деп ийнандырыргъа кюрешедиле ючюнчюле.
24 августа, 2022 - 13:53
ВСУ Антоновский кёпюрню ётюп баргъан россейли аскерчилени атдыргъандыла деген ётюрюк хапарны Украинаны асламлы информация органлары эм Ич ишле министерствону кенгешчиси Антон Геращенко кенг жайгъандыла, деп билдиреди Войнасфейками.рф деген телеграмм-канал.
24 августа, 2022 - 13:36
Юг Уралда «парижчиле» жашайдыла. Ала француз тилни билмейдиле, жылны алты айында уа уюкъла киедиле. Алай, аланы эллерини аты Париж болгъаны себепли, ала парижчиледиле!
24 августа, 2022 - 13:23
Бу хунерли къарачайлы тиширыу бла бир жол Черек районну Чирик кёл тийресинде «Алтын кьол» фестивальны кезиуюнде танышхан эдик. Мен анга анда олсагъат эс бургъан эдим: узун бойлу, субай санлы, юсюнде узун къара жыйрыгъы, аны башындан инбашына атып, уллу акъ гыранча жаулугъу. Илму-практика конференцияда малкъарлы эмда къарачайлы келинни той жыйрыкъларыны юсюнден докладына да жыйылгъанла асыры бюсюрегенден, толкъун къарсла иги кесек заманнга созулгъан эдиле. Ол, айтханы бла чекленмей, кеси тикген затланы да кёргюзтген эди.
24 августа, 2022 - 13:21
Къабарты-Малкъарны Курортла эм туризм министерствосундан билдиргенлерича, солууларын ётдюрюрге сюйгенлени саны ёсе барады. Жангызда 2022 жылны биринчи жарымында бери 550 минг адам келгенди, ол а былтыргъы эсепледен 6 процентге кёпдю. 2022 жылны ахырына туристлени саны дагъыда 10процентге ёсериги сакъланады.
24 августа, 2022 - 13:19
Нальчикде 2-чи Тамань дивизияны орамында жангы спорт объект – баскетбол ойнарча зал боллукъду.
24 августа, 2022 - 13:16
Республикада социал магъаналы объектлени, ол санда уа спорт мекямланы, бютюн толу хайырланыр муратда жолланы тапландырыугъа аслам эс бурулады. Спорт министерстводан билдиргенлерича, ремонт 6 автомобиль жолну 33 километринде барады.
24 августа, 2022 - 10:07
Терезени ары жанындан ургъан жай кюн, дунияны жапсарыргъа сюйгенча, жарыкъды. Айтханынг андан айырылып келеди манга. Хапарынг къыйын эсе да, ауазынг а таукелди.
23 августа, 2022 - 13:27
Хапар
Базар кюн, асхут заманда, беш-алты акъсакъал ныгъышда олтуруп хапар этебиз. Озуп кетген колхоз-совхоз заманланы да эсибизге тюшюребиз. Фермада малчыла, ийнек сауучула болуп ишлеп тургъанбыз. Ара мюлкле адамланы бир бирге жууукъ этген, бирикдирген кюч кибик эдиле. Бюгюнлюкде ала жокъ, бизни тёлюге уа, ариу жомакълача, эсибизде къалгъандыла.
23 августа, 2022 - 13:13
Жыл башланнганлы «Россети Северный Кавказ»-«Каббалкэнерго» биригиу ток ючюн борчларын жапмагъан 1 308 чакълы адамдан сюдню болушлугъу бла 7,5 миллион сом алгъанды.
23 августа, 2022 - 09:35
Журналист жолла бизни кёп жерлеге жетдиредиле, кёп адамла бла тюбешдиредиле. Аланы бирлерин унутаса, башхалары уа эсден кетмей, жюрегингде бир огъурлу ыз къоядыла. Мени да тёрт жыл мындан алгъа къадар аллай тиширыу бла тюбешдирген эди. Ол Акъ-Суу элде жашагъанды. Анга ол заманда токъсан жыл толгъан эди.
23 августа, 2022 - 09:05
Экинчи дуния урушну бек уллу сермешлеринден бири – Курск дугада сермеш - 1943 жылда 5 июльда башланып, 23 августда бошалгъанды. Анга малкъарлы жашладан кёпле къатышхандыла, ол санда Зокаланы Башчыны жашлары Келлет бла Хамза.
23 августа, 2022 - 09:00
Бусагъатда инсульт болуп, больницагъа тюшгенлени араларында къартла, жашла да, эр кишиле, тиширыула да бардыла. Инсульт болмаз ючюн не зат этерге керекди? Бу соруудан башланнган эди Огъары Малкъарны больницасыны баш врачы Чаналаны Аслижан бла ушакъ.
23 августа, 2022 - 08:43
Росгидромет арадан билдиргенлерине кёре, бу кюнледе республикада кюн бек исси болуру сакъланады, къызыулукъ 38 градусха жетерикди. Быллай хауа болумлада женгил кийимле киерге, жалан баш кюннге чыкъмазгъа керекди. Терк-терк суу ичигиз, алай ол бек сууукъ болмазгъа тийишлиди. Дарман хансладан суу неда жашил чай, газы болмагъан нарзан да себеп боллукъдула, деп юйретедиле МЧС-ден.
Страницы
|
