Все статьи

Фадауан тауланы чыгъышы

Бу сурат Малкъар ауузунда Фадауан тауланы аллында алыннганды. Фадауан таула Малкъаргъа  бара, тешикледен ётгенлей, Зылгы къаялагъа жетип тохтайды. Шёндю Фадауанны не болгъанын кёпле биле болмазла. Малкъарны кесинде жашагъанладан да ол дюгер сёздю дегенле да бардыла. Алай бу таулу сёздю. Бурун адамла чабырла кийген заманда цифи хансны къурутуп, чабырла тюбюне салып, алай кийип болгъандыла.

Булут ичинде ауаз

Колхозланы, совхозланы заманларында бола тургъан ишди. Эр кишиле ара мюлкде Сары-Тала жайлыкъда мал аш хазырлайдыла. Танг жарыгъы бла турадыла, чыкъ къуругъунчу чаладыла. Асхут заманда бираз солуйдула, андан сора уа хазыр дырынларын жыядыла.
 
Кенг биченликде жангы чалыннган дурула, берлакъда уа гебеннге жыйыллыкъ батанла. Къошха жууугъуракъ жерде уа лыппырла, гебенле, антаула окъуна сюеледиле.
 

«Озгъан жашау жолуму жангыдан ётерге тюшсе эди, арсарсыз энтта аны сайларыкъ эдим»

 Аккайланы Хажи-Мурат, ауур атлетика бла кюреше, 2004 эм 2008 жылладагъы Олимпиада оюнлада кюмюш эм доммакъ майдалланы алгъанды. 2011 жылда дунияны чемпионатында хорлап, «World Weightlifting» журналны сайлауу бла дунияны эм иги ауур атлетчисине саналгъанды. Физкультураны эм спортну айнытыугъа салгъан уллу къыйыны, бийик жетишимлери ючюн «Ата журтну аллында къыйыны ючюн» орденни биринчи эм экинчи даражалы майдаллары бла саугъаланнганды

Эсгериуле жолунда игиликле

Школну, башха окъуу юйлени бошагъанланы да, жылла ётгенден сора, бирге жыйылып, окъуу жылланы, устазланы эсгериучюлери ариу тёреге айланнганды.

Усталыгъы бла ыспасха, хурметге да тийишли

Кеслерини билимлерин, заманларын да аямай, адамлагъа, аланы сабийлерине, жууукъ-ахлуларына болушлукъларын тийдирип тургъан врачларыбыз асламдыла, къудуретни ахшылыгъындан. Медицина илмуланы кандидаты, республикалы сабий клиника больницаны консультация-диагностика поликлиникасыны башчысы, невролог Улбашланы Асият да аллайларыбыздан бириди.

Элбрус райондан

Ростовну «Махтаулукъну жоллары – бизни тарыхыбыз» кезиулю жетинчи автопробегин бардыргъанды.

Башха къыралланы регионлары бла байламлыкъланы кючленедиле

ШОС-ха кирген къыралланы регионларыны келечилерини ючюнчю Форуму бу кюнледе Ташкентде ётгенди. Аны ишине Россейни, Къытайны, Индияны, Пакистанны, Къазахстанны, Къыргъызстанны эмда Таджикистанны келечилери къатышхандыла. Къабарты-Малкъардан а Форумгъа регионну Правительствосуну Председателини биринчи орунбасары Муаед Кунижев бла курортла эмда туризм министрни орунбасары Шауаланы Ислам видеоконференция халда къошулгъандыла.

Элледе спортну айнытыугъа – субсидия

Республиканы эллеринде эм гитче шахарларында мектепледе физкультура эм спорт бла кюреширча тынгылы онгла къураргъа субсидия берилгенди.

Нальчикге къайтып келирге нек кереклисин ачыкълагъанды.

Марина Шушарина Нальчикге узакъ Каргополь шахардан келген эди. «Моя провинция» деген журналист конкурсха ол «Сельская правда» деген район газетни атындан къатышханды.

Кубрат ханны хазнасы

«Кубрат ханны хазнасы» деген статья 1990 жылда «Болгария» деген журналда басмаланнган эди. Аны автору Людмила Писарева эди. Статья жаланда Кубрат ханнга жууукъ болгъан болгарлылагъа угъай, битеу тюрк миллетлеге да магъаналыды.

Бир кечеге аланы бригадалары отуз жерге жетеди

Нальчикде ёсген къызчыкъ Гузиланы Аминат сабийлигинден да медицинада ишлерге сюйюп, гинжилерине уколла эте, юйдегилени эслерин кесине аз кере бурмагъанды. Ол умутуна жетер ючюн шахарны онючюнчю номерли гимназия школунда иги окъуй, биология бла химия предметлени айырып сюйгенди.

Антларына кертичилей къалгъан врачла

Орус аскер врачла бла тау халкъланы саусузлагъа багъыучу усталары орус-кавказ урушну жылларында, саусузла, жаралыла къайсы миллетден болсала да, алагъа, миллет айырмай, багъып тургъандыла. Аны юсюнден китаплада кёп юлгю келтириледи. Бу материал да медицина жаны бла китапланы автору Александр Масловну энчи тарых магъаналы тинтиу ишлерине кёре къуралгъанды.

Россейни аскерчилери артистлени видеосъёмкала этерге хайырланадыла

Россейли аскерчиле Донецк шахаргъа от атдырып тюшген хатаны юсюнден видеосъёмкала этер ючюн артистлени хайырланадыла, деп билдиредиле украинлы асламлы информация органла. Бу хапар толусунлай ётюрюк болгъанын юсюнден войнасфейками.рф телеграм-канал жазады.

Ахчагъыз хыйлачылагъа тюшмезча

Жыл сайын аманчыкъчыла, хыйла схемаланы хайырлана, адамланы банк карталарындан миллиарддан аслам сомну урлайдыла. Ара банк аланы жолларын кесиу амалланы дайым излейди, гудучулагъа алданмазча эсгертиуле этеди. Алай экспертлени оюмларына кёре уа, быллай болумла азаймайдыла.

Нальчикни жангы микрорайонларын айнытыргъа алланып

Нальчикни Мей деген жангы микрорайонун комплексли айнытыр мурат бла ДОМ.РФ федерал компания къурулуш ишлени бардырыргъа къыйматлы механизм бла жалчытырыкъды. Экинчи сентябрьде Киров атлы орамда орналгъан жангы участкаланы юсюнден торгла бардырыллыкъдыла. Аны юсюнден ГКУ «КБР-Медиа» билдиреди.

Предпринимательлени жарсыуларын эсге алгъандыла

Прохладный шахар округну бизнес-инкубаторунда бу кюнледе тюбешиу ётгенди. Аны «Иш кёллю Россей» жамауат организацияны республикада бёлюмю, Прохладна районну администрациясы бла бирге къурагъанды. Жыйылыугъа КъМР-ни Экономиканы айнытыу министерствосуну предпринимательствону информация-аналитика жаны бла жалчытхан бёлюмюню башчысы Фатимат Абазова, КъМР-ни Предпринимательствогъа себеплик этген арасыны келечиси Хадижа Абидова, муниципалитетни келечилери, бизнес бла кюрешгенле къатышхандыла.

Спортчуларыбыз – алчыланы къауумунда

Бу кюнледе Чебоксарыде женгил атлетикадан Россейни чемпионаты бардырылгъанды, анда эки жерлешибиз жетишимли болгъандыла

Юч жылны ичинде – 54 спорт объект

Къабарты-Малкъарны Спорт министерствосундан билдиргенлерине кёре, ахыр ючю жылны ичинде республиканы жер-жерлеринде 54 спорт объект хайырланыугъа берилгенди. Аланы къурулушлары «Демография» миллет проектни чегинде «Спорт-жашауну низамы» федерал проектге кёре бардырылгъанды.

Юйюрге жан къошулгъанны къууанчлы жумушлары

Хар халкъны миллет энчилигин ачыкълауда юйюр тутхан, юй жюрютген адетлени магъаналары уллудула. Жангы юйюр къуралгъан кюнден башлап, аны жашау жолун ызлай барсанг, халкъны адети, къылыгъы, тёрелери, ырыслары, ийнаныулары, кёлден чыгъармачылыгъы, хунери, усталыгъы да кёз аллынга келип къаладыла. Ол а миллетни узакъ ёмюрледен бери ишлене келген кесилигин энчилерге, жюрек сырын тинтирге, ангыларгъа онг береди. Малкъар халкъны миллет энчилигин, ич дуниясын баямлауда да аллай амал хайырланылса - тюзю олду. Бу материал да ол тема бла байламлыды, аны хазырлагъанда Гуртуланы Мариямны, Маремшаова Иринаны ишлери хайырланнгандыла.   

Россейлиле Мариупольда эсгертмени ууатхандыла

Россейли аскерчиле Мариупольну азатлагъан аскерчилеге жораланнган эсгертмени бузгъандыла, ала Экинчи дуния урушда немисли солдатланы   жоллары бла барадыла. Аны юсюнден Украинаны Ич ишле министерствосуну кенгешчиси Антон Геращенко билдиргенди, деп жазады войнасфейками.рф телеграм-канал.

Страницы