Жамауат

 Нальчикде  бардырылгъан магъаналы  жумушладан  бири    Россейни  художестволу академиясыны (РАХ)  келечилери  келгени  бла байламлыды.  Ала «Шёндюгюлю суратчыланы чыгъармаларында тиширыуну  сыфаты» деген  проектни  себеплиги бла келгендиле.   Ол программа  бла  ала СКФО-ну  башха-башха  регионларына  барып, мастер-классла, кёрмючле  бардырыргъа  умутлудула.  Ала бизни республикада тургъанлы къауум  кюн  болады.  Алагъа КъМР-ни Парлементини спикери  Татьяна  Егорова  да  жарыкъ тюбегенди. Аланы проектлерине не  жаны  бла  да  амал  этериклерин  билдиргенди.

Къыйын болумгъа тюшгеннге тюз болушлукъ эте билирге юйретир мурат бла Нальчикде чемпионат бардырылгъанды, аны «Биринчилени къымылдаулары», МЧС-ни эм «Россейли Къызыл Жорну» жер-жерли бёлюмлери, Къабарты-Малкъарны Катастрофала медицинасы къурагъандыла.

Росгвардияны КъМР-де Управлениясыны «СОБР» къауумуну аскерчилери кадет классланы курсантларына ачыкъ эшиклени кюнюн бардыргъандыла.

Кофени юсюнден кёп тюрлю оюмла жюрюйдюле. Бир-бир специалистле ол къарыусуз наркотикди деп окъуна айтадыла, башхалары - мардасын оздурмасанг, аны хатасы жокъду дейдиле. Биз ол соруулагъа жууап излей,  кофени юсюнден  федерал басмалада тапхан билдириулерибизни басмалайбыз.

Нальчикде художестволу гимнастикадан  «Горные ласточки» регионла аралы эришиуле бошалгъандыла. Турнир Россейни Юг жаны эмда жангы  регионларыны  350-ден аслам жаш спортчусун  жыйгъанды.  Быйыл спортну бу ариу, сейир тюрлюсюнден  эришиуле 11-чи кере къуралгъанларын эмда  КъМР-ни Парламентини 30-жыллыгъына аталгъанларын айтырчады. 

Баргъаны. Аллы 131-чи номердеди

Бий-Мырза, Салал айтхан ырандан къутулуп, ол бекленип тургъан жерге къарагъанды. Огъары экеу олтуруп солурча бир тырхыкъны эслегенди. Салал тургъан жерге ётерге уа онг жокъ. Кёнделени эки къулач, бийиклиги тёрт къулач болгъан сыйдам бетден Салалны къалай ётгени сейир эди.

Тырныауузда бла Минги тауда граждан эм промышленный объектлени къурулушларында уруннган, таулу жерни айныууна уллу къыйын салгъан адамланы араларында Ризаланы Саладинни сагъыныргъа тийишлиди. 

Чегем аузунда битеу къыралгъа белгили чучхурлагъа жетгинчи орналгъан  эл малкъар халкъ кёчгюнчюлюкден къайтхандан сора къуралгъан эллерибизденди.  

Залийханланы Аслантокъну къызы Фатимат Шимал Кавказда Совет властьны орнатыр ючюн жанын-къанын аямагъан Ностуланы Батийни жашы Юсюпню юй бийчеси эди. Класс кюрешге къатышханланы асламысыны къадарлары ажымлы бичилгенини юсюнден не кёп айтып турсанг да, аланы жашау жолларын заман кеси ызлагъанына тюшюнюрге керекбиз.

КъМР-ни Башчысында Эксперт-аналитика советни таматасы, профессор, РАЕН-ни академиги, РФ-ни илмусуну сыйлы къуллукъчусу Пшикан Таов, белгили дирижёр Юрий Темирканов ауушханы бла  байламлы бушуу сёз айтханды.