Абонентлеге таплыкъгъа къуралгъан сервис «Россети Шимал Кавказ» компанияны тёлеу сервислерин хайырланыучуланы саны Къабарты-Малкъарда кёпден-кёп бола барады, дегендиле аны регионда бёлюмюню пресс-службасында. Сайтда «Энчи кабинетден» сора да, абонентлеге деп «Свет онлайн» приложение чыгъаргъандыла. Бу айны биринчисине аны бла абонентле 15 минг кере тёлегендиле. Ахча бла тергегенде, энергокомпанияны счётуна ол халда 14,5 миллион сом тюшгенди. Бу сервис ток ючюн тёлерге, счётчикни кёргюзтюулерин компаниягъа жиберирге, къайсы ай ючюн да квитанцияны жарашдырыргъа онг береди. Дагъыда аны архивинде алгъын кезиуледен къалгъан информация сакъланады. Ол бары да компанияны бла хайырланыучуланы араларында ишни терк тындырыргъа себеплик этеди. «Свет онлайн» приложенияны GooglePlay эм AppStore сервиследе табаргъа боллукъду. Дагъыда эсигизде болсун: счётчикни кёргюзтюулерин ай сайын 23-26 кюнледе жиберирге керекди, тёлеген а – ызы бла келген айны онунчусуна дери.
Поделиться:
Читать также:
30.04.2024 - 09:05 →
«Ызыбыздан келгенлени кёллендирирге, сахнаны жашырынлыкъларына тюшюндюрюрге кюрешебиз»
29.04.2024 - 18:47 →
Къабарты-Малкъарда суу жагъаланы ариуларгъа 30 минг адам къатышханды
29.04.2024 - 09:05 →
Ахшы тёрелеге кертичилик
28.04.2024 - 09:05 →
«Окъутуу, юйретиу ишни тамам жалчытыр ючюн хар затыбыз да барды»
27.04.2024 - 10:42 →
Онг тапдырыр орунуна...
| ||
