Къабарты-Малкъар Республиканы Башчысы К.В.Коковну Къурман байрам бла А л гъ ы ш л а у у

Къабарты-Малкъарны муслийманларын Къурман байрам бла жюрегимден къызыу алгъышлайма!
Бу сыйлы байрам ёмюр-ёмюрлени ичинде дин ахлуланы эслерин исламны башланнган кезиуюне, аны хазналарына бурады, жандауурлукъгъа, тюзлюкге эмда адеплиликге чакъырады, ахшылыкъла этерге эмда ниет тазалыкъгъа итиниулюкню белгисиди. Ма ол бийик даражалы адеп-къылыкъ жорукъла исламгъа эмда бизни къыралда жюрюген битеу динлеге тёредиле. Аланы бирикдирген кючлери барды, ала жамауатда келишиулюк болуруна, Россейни кёп миллетли халкъыны бирлигине себеплик этедиле. Ол а къыралыбызны деменгилилигини эмда жашнаууну кючлю мурдору болгъанды, болгъанлай да къалады.
Къабарты-Малкъарны дин биригиую жамауатыбызны жашауун бютюн ырахатлы этиу жумушлагъа тири къатышады. Биз аны конфессияланы араларында халланы тутхучлу болурларына, халкъыбызны бирлигин кючлендириуге, республиканы мамырлыкъны бла келишиулюкню сакълаугъа салгъан къыйынларына уллу багъа бичебиз.
Къабарты-Малкъарда жашагъанланы барысына да жюрегими теренинден алгъыш эте, саулукъ, монглукъ, ишлеринде бла башламчылыкъларында жетишимле тежейме!