Абаданла урунуу жылларыны, пенсия балларыны юслеринден билирча

Быйылдан башлап, Россейни Пенсия фонду (ПФ)  45 жылдан абадан адамлагъа пенсия счётларыны, стажларыны эм боллукъ страховой пенсияларыны ёлчемини юсюнден юч жылгъа бир кере билдире турлукъду. Аны юсюнден информация фондну сайтында гражданинни энчи кабинетине неда къырал жумушланы порталында кабинетине ийилирикди.

Бу жангычылыкъ абаданлагъа пенсия эркинликлерин билирге, тёлеулерини ёлчемин кёбейтирча мадарла этерге (пенсия балларына къошаргъа) онг берликди. Хар инсанны да фондда энчи счёту барды, анда аны урунуу жыллары, иш хакъы, аны ючюн этилген страховой тёлеуле, пенсия коэффициентлери жазыладыла. Андан выписканы талай амал бла алыргъа боллукъду: къырал жумушланы порталы неда энчи кабинетни юсю, мобильный приложенияны болушлугъу бла, сора кёп функцияла аралагъа бла фондну клиент службаларына барып.

Адам къагъытлада халат эслесе, фондха аланы тюзетиуню юсюнден заявленияны жазаргъа, шагъатлыкъгъа документлени да берирге керекди. ПФ, иш бла жалчытхан организациялагъа, архивлеге, башха тийишли органлагъа запросла ийип, аланы тюзлюклерин сюзерикди. Тинтиулени эсеплерине кёре, лицевой счётха тюрлениуле кийирликди.