Республикада Россейни къырал байрагъыны кюнюн онлайн халда белгилерикдиле

Россей Федерацияны Къырал байрагъыны кюню жыл сайын 22 августда белгиленеди. Ол кюн Къабарты-Малкъар Республика да къошулады байрамлагъа.

Шахар округланы эм муниципал районланы маданият махкемелеринде онлайн халда тюрлю-тюрлю жыйылыула, китап-иллюстрация кёрмючле, информация эм жарыкъландырыу сагъатла, эришиу викторинала, флешмобла къураллыкъдыла.

Бусагъатда Россейни байрагъыны тюрсюнлерин былай ангылатыу хайырланылады: акъ тюрсюн мамырлыкъны, тазалыкъны, тынгылылыкъны белгисиди, кёк – ышаныуну бла кертиликни, къызыл тюрсюн тириликни, кючню, Ата журт ючюн тёгюлген къанны белгилейди.