Иш, ишчиле да излегенлеге

Нальчикде  5 апрельде «Россейде иш. Тап онгланы заманы» деген битеуроссей ярмарка ётерикди. Ол 10:00 сагъатда башланырыкъды. Анга промышленностьну, эл мюлкню, къурулуш эмда информация бла связь бёлюмлени предприятиялары, ол санда кадрла къытлыкъ сынагъан биригиуле да къатышырыкъдыла.

Ярмарканы кезиуюнде иш сурагъанла бош ишчи жерлери болгъан предприятияланы, аланы ишлегенлеге излемлерини, урунуу болумларыны, иш хакъларыны, социал болушлукъну да юслеринден билирге боллукъдула. Келгенле дагъыда  усталыкълагъа юйретиу, «Демография» миллет проектни чеклеринде къошакъ усталыкъ алыу  амалла бла шагъырейленирикдиле, хунерликлерин ачыкълагъан сынауладан да ётерге онг табарыкъдыла.

 Иш бла жалчытыуну ярмаркасы Нальчикде, Шогенцуков атлы орамда, 28-чи номерли мекямда, Къырал концерт залда ётерикди.