|
|
Все статьи
9 февраля, 2023 - 09:25
КъМР-ни Башчысы спортчулагъа алчы жерлеге чыкъгъанлары ючюн тёленнген ахча саугъаланы ёлчемлерин эки кереге кёбейтиуню юсюнден Указгъа къол салгъанды. Сёз спортну Олимпиадалы эмда Олимпиадалы болмагъан, паралимпиадалы эмда сурдлимпиадалы тюрлюлерине кёре Россейни жыйымдыкъ командаларыны баш, жаш тёлю эмда юниор къауумларына кирген спортчуланы эмда аланы тренерлерини юслеринден барады.
9 февраля, 2023 - 09:24
Сиз бир тюрлю сылтау бла «Заманнга» жазылмай къалгъан эсегиз, аны тюзетир амал барды.
9 февраля, 2023 - 09:15
РФ-ни Президенти Владимир Путинни буйругъу бла эмда РФ-ни Правительствосуну «Саулукъ сакълауну къырал эмда муниципал системасына кирген эмда борчлу халда медицина страхованияны баш программасына неда борчлу халда медицина страхованияны жер-жерли программаларына къатышхан медицина организациялада ишлеген медиклени къошакъ халда къырал социал болушлукъ бериуню юсюнден» 2022 жылны 31 декабринде чыгъарылгъан бегимине тийишлиликде быйыл 1 январьдан башлап медиклени 11 къауумуна энчи социал тёлеуле тохташдырылгъандыла.
9 февраля, 2023 - 09:05
Урунуу кодексге тийишлиликде, ыйыкъны ичинде ишчи заман 40 сагъатдан озмазгъа керекди: 5-кюнню ичинде 8 сагъат. Алай бир-бир къауумлагъа аны ёлчеми андан да къысхады. Биринчиден, 16 жыллары толмагъан акъылбалыкъ болмагъанланы 24 сагъатдан артыкъ ишлетирге жарамайды. 16-18-жыллыкъланы ишчи ыйыкълары уа 35 сагъатдан кёп болмагъаны жазылыпды законлада. Сакъатлыкъны 1-чи эм 2-чи къаууму тохташдырылгъанланы ишчи ыйыкълары да 35 сагъатдан озмайды.
9 февраля, 2023 - 09:00
Электрокючню эсеплеген шёндюгю жангы система ишлеген муниципалитетледе аны къоранчлары иги да азая барадыла, дегендиле «Россети Шимал Кавказ» компанияны бизни республикада бёлюмюнде - «Каббалкэнергода».
9 февраля, 2023 - 08:10
Къабарты-Малкъарда эки жюз школчу «Къоркъуусузлукъну лабараториясы» деген кёчюрюлюучю комплекс бла хайырлана жолда жюрюуню жорукъларын къатлагъандыла. Автоинспекторла жолда эки чархлы транспортда жюрюуге энчи эс бёлгендиле.
8 февраля, 2023 - 18:48
КъМР-ни Башчысы Казбек Коков РФ-ни Правительствосуну Председателини орунбасары Татьяна Голикова бардыргъан кенгешге къатышханды. Анда сёз «Маданият» миллет проект 2022 жылда къалай толтурулгъанына къаралгъанды эмда 2023 жылгъа борчла салыннгандыла.
8 февраля, 2023 - 15:42
Ёмюр-ёмюрледен да къарачай-малкъар халкъда сабий бла къартны артыкъ сыйлы кёрюп, алагъа энчи къарагъанды. Бизни миллетде къартны сыйыны къаллай даражасы болгъанын хар ким да биледи. Алай а андан да бешикдеги баланы сыйлы болгъанын кёпле эшитген да болмазла. Сабийни ашы, юсю, орну деп, анга энчи къаралгъанды. Гитчени ийнакъларгъа сюймеген адам хазна табылыр, алай а ата-аналаны сабийлерин къоюнда тутуп турургъа онг алай кёп чыкъмагъанды.
8 февраля, 2023 - 15:20
Бизни республикада жашау журт-коммунал мюлк предприятияланы электрокюч ючюн борчлары 1,1 миллиард сомдан атлагъанды. Ол быйыл биринчи январьгъа тергеуледиле, кеслери да 2021 жылда августну аллындан бери жыйылгъандыла, дегендиле «Каббалкэнергода».
8 февраля, 2023 - 14:46
О внесении изменений в некоторые акты Президента Кабардино-Балкарской Республики и Главы Кабардино-Балкарской Республики по вопросам назначения и выплаты денежных вознаграждений спортсменам Кабардино-Балкарской Республики
8 февраля, 2023 - 13:03
Журналистни жашауунда кёп сейир тюбешиуле боладыла. Аланы бир-бирлери унутуладыла, алай ёмюрде эсингден кетмезликле да бардыла. Ма мени да белгили поэт, прозаик, сценарист, режиссёр, публицист эмда актёр Евгений Александрович Евтушенко бла тюбешиуюм аллай эди. Аны Къабарты-Малкъарда болгъанын эшитгенимлей окъуна, аны бла тюбер амалла изледим. Мени насыбым тутду да, «Синдика» къонакъ юйге белгиленнген сагъатха бардым. Къонакъбай мени сакълап тура эди.
8 февраля, 2023 - 13:00
Терек бахчалыкълада кезиулю ишле башланнгандыла
Къабарты-Малкъарны терек бахчалыкъларында, къыш кезиу болгъанына да къарамай, тийишли ишле тамамланадыла. Ол санда тереклени керексиз бутакъларын бла чырпыларын кесип кюрешедиле. Белгилисича, терекни чагъарыгъы эм тирлик берлиги да ол къалай этилгенине кёре боллукъду.
8 февраля, 2023 - 10:00
Къабарты-малкъарлыланы жыр-макъам искусстволарын сакълаугъа, айнытыугъа кёпле къайгъыргъандыла, къыйын салгъандыла. 1939 жылдан башлап, бизни республикада жашагъан аты айтылгъан композитор Трувор Шейблер да, сёз ючюн, аланы санынданды. Ол «Гапалау», «Ногъай къыз», «Бек-Болат» дегенча чыгъармаланы хор бла жырларча жарашдыргъанды. Бюгюннгю Къабарты-Малкъарны профессионал музыкасыны айный баргъан мурдору да республикада орус совет композиторла жашагъан эм ишлеген кезиуде жаратылгъанына уа бир да ишекли болурча тюйюлдю. Ол жыллада жер-жерли оноучула да культураны бла искусствону айныууна уллу кёллю болмагъандыла.
8 февраля, 2023 - 09:05
«Единая Россияны» халкъ программасына «Жангы жерлени айнытыу» бёлюм кийирилгенди. Документ партияны программа комиссиясыны жыйылыуунда ачыкъ этилгенди. Кенгешни партияны башчысы Дмитрий Медведев бардыргъанды. Программагъа хазырланнган тюзетиулени партияны генсоветини башчысы Андрей Турчак эмда аны бёлюмлерин жашауда бардырыугъа жууаплыла бла министерстволаны келечилери кёргюзтгендиле.
8 февраля, 2023 - 09:05
«Иш кёллю Россей» жамауат организацияны Къабарты-Малкъарда бёлюмюню келечиси Надежда Пляко Прохладна шахарда кёп профильли колледжни башчысы Александр Голубничий бла тюбешгенди. Ала предприятиялагъа ишчиле хазырлауну эмда бу окъуу учрежденияны «Иш кёллю Россейни» жаш тёлю социал проектлерине къатышыуну юсюнден сёлешгендиле.
8 февраля, 2023 - 09:00
«Россети Шимал Кавказ» компанияны бизни республикада бёлюмюнде - «Каббалкэнергода» ток ючюн борчланы былтыр жыйыу ишлерини эсеплерин чыгъаргъандыла. Аны ала сюд приставланы Къабарты-Малкъарда Управлениясыны келечилери бла бирге тамамлагъандыла.
7 февраля, 2023 - 12:31
2005 жылны аллында Нальчикде Аэропорт къатында орналгъан бир фатарда отузунчу жыллада Совет Союзда белгили геолог-нефтяник болуп ишлеген Моллаланы Исмайылны жашы Жамал-Эдин бла тюбешеме, атасыны юсюнден хапар сорургъа. Ол заманда Жамал мында жашай эди, юй бийчеси бла, сагъынылгъан юйню онбиринчи этажында. «Кюн сайын балконнга чыгъып, эрттенликде таулагъа къарап, табийгъатны ариулугъундан зауукълукъ алып турама, сиз мында жаннет ичинде жашайсыз», - деп, башлагъан эди ушагъын.
7 февраля, 2023 - 12:02
Совет Союзну кезиуюнде узакъ тау эллерибизни школларына директорла болуп, алагъа башчылыкъ этгенлеринден сора да, мектеплени даражаларын кётюрюуге, аланы тапландырыугъа да эс бургъан, кёллери бла ишлерине берилгенлерибиз асламдыла. Аланы санындады бизни орус тилни жашырынлыкълары, литератураны сейир дуниясы бла шагъырейлендирген Шабатукъланы Налдюз да.
7 февраля, 2023 - 12:00
Россейде быйыл биринчи сентябрьде ветеринария документлени (ВСД) жарашдырыу жаны бла жангы жорукъла ишлеп башларыкъдыла. Аланы РФ-ни Эл мюлк министерствосу тохташдыргъанды, деп билдиргендиле Къабарты-Малкъарны Ветеринария управлениясындан.
Страницы
|
