Спорт

Гуппойланы Алина, дзюдодан бла самбодан округ эришиуледе биринчи жерлеге дайым чыкъгъанлай турады, къырал даражалы турнирледе майдалсыз хазна къалмайды,  школда, университетде окъугъан кезиулеринде аланы  волейболдан командаларыны капитаны болгъанды.

  Бу кюнледе Дондагъы Ростовда садакъдан атдырыудан шахарны биринчилиги бардырылгъанды, анга Донецк эм Луганск Республикаладан, Къабарты-Малкъардан, Ставрополь эм Краснодар крайладан спортчула къатышхандыла.

Къабарты-Малкъарны Черек муниципал районуну эки спорт школуна мингден артыкъ сабий жюрюйдю. Ала бла 43 тренер  жараула этедиле.

Орёлда окъуучуланы араларында XI Жай Спартакиаданы чегинде каратеден эришиулени финаллары бардырылгъандыла. Аланы эсеплерине кёре, бизни республиканы келечилери юч майдал къытхандыла.

Россейни сыйлы тренери, Къабарты-Малкъарны сыйлы маданият къуллукъчусу, Россейни Владимир областыны сыйлы физкультура ишчиси, Миллет бокс федерацияланы халкъла аралы ассоциациясыны судьясы Жаболаны Сергону аты тарыхха эртте киргенди. Аты айтылса, жюреклерибизге ёхтемлик келеди. 

Олимпиаданы грек-рим тутушуудан эки кере чемпиону, дунияны юч кере чемпиону Роман Власов, Олимпиаданы призёру, эркин тутушуудан Европаны юч кере чемпиону Аниуар Гедуев бла Олимпиаданы дзюдодан призёру, Россейни жыйымдыкъ командасыны баш тренери Хасанби Таов Чегем районну грек-рим тутушуудан спорт школунда болгъандыла. Аланы биргелерине республиканы Парламентини вице-спикери Мурат Карданов, спорт министр Ислам Хасанов баргъандыла.

Айтхылыкъ гёжефлени хазырлагъандан, адамланы саулукъларын кючлеуден тышында, бюгюнлюкде спортха  юйретиуню магъанасы да уллуду. Ол жаш тёлюню ахшы юлгюлеге юйрете, жетишимлеге да итиндире, ариу къылыкъда ёсдюрюуге себеплик этеди.

Чебоксарыде каратени WKC тюрлюсюнден кадетлени, юниорланы бла абадан спортчуланы араларында дунияны 14-чю чемпионаты бла сабийлени араларында кубок  ючюн эришиуле бардырылгъандыла. 

Черкесскде «Юбилейный» спорт арада тхэквондону WTF тюрлюсюнден «Россейни тхэквондодан союзуну президентини кубогу» деген аты бла халкъла аралы эришиу бардырылгъанды. Даражалы турнирге къыралыбызны 45 регионундан, Белоруссиядан, Армениядан бла Къазахстандан 600-ден аслам юниор, абадан спортчу эм сакъатлыкълары болгъан атлетле къатышхандыла.

Тырныауузчу гёжеф Заур Курамагомедовну эм уллу хорламы 2012 жылда Лондонда Олимпиада оюнлада грек-рим тутушуудан доммакъ майдалны алгъаныды. Ары дери ол дунияны чемпионатында ючюнчю болгъанды, Европаны Софияда бла Бакуда чемпионатларыны кюмюш эм доммакъ призёруду, Россейни эки кере чемпионуду. Жетишимлери ючюн анга «За заслуги перед Отечеством» орденни майдалы берилгенди, Россейни спортуну сыйлы устасы деген ат да аталгъанды.