Республиканы Спорт министерствосундан билдиргенлерича, Чеченни ара шахары Грозныйде Олимпиадагъа хазырланыуну Владимир Путин атлы арасында дзюдодан Россейни клуб чемпионаты бардырылгъанды. 

Ессентуки шахарда тхэквондону ВТФ тюрлюсюнден «Шимал Кавказны кубогу» деген битеуроссей эришиу къуралгъанды, анга къыралны жер-жерлеринден умутландыргъан спортчула къатышхандыла.

 Нальчикде бла Баксанёнок элде женгил атлетикадан «Алтын кюз» деген аты бла регионла аралы эришиуле къуралгъандыла. Алагъа бизни республиканы, Къарачай-Черкесни, Шимал Осетияны бла Ставрополь крайны спорт школларындан 500-ден аслам адам къатышхандыла.

МВД-ны борчларын толтура ёлген къуллукъчуларыны хурметлерине  каратеден регионла аралы турнир ётгенди. Эришиуге Ставрополь крайдан, Кърымдан, Къалмукъдан бла бизни республикадан 180-ден артыкъ спортчу къатышхандыла.

Казаньда единоборстволаны «Акъ Барс» арасында тхэквондону Олимпиадагъа кирмеген тюрлюсюнден дунияны кубогу бардырылгъанды, анга 16 къыралдан 350-ден аслам спортчу къатышханды.

Анапада аскер искусстволадан битеуроссей жаш тёлю оюнла бардырылгъандыла. 

Кисловодск шахарда къаялагъа ёрлеуден юниорланы араларында СКФО-ну чемпионаты къуралгъанды.  Анга округну регионларындан 10-15-жыллыкъ  спортчуладан 50-ге жууугъу  къатышхандыла.

Озгъан ыйыкъда Нальчикде каратени зёндакай тюрлюсюнден республикалы турнир ётгенди.

Республиканы Спорт министерствосу билдиргеннге кёре, бу кюнледе «Нальчик» спорт комлексде «Сбербанкны» саугъалары ючюн дзюдодан регионла аралы ачыкъ турнир ётгенди. Турнир 2007-2009 жыллада туугъан спортчу жашланы бла къызланы араларында ётгенди. Ары къыралыбызны тогъуз регионундан 280-ден аслам спортчу къатышханды.

Грозныйде Россейни Югуну халкъларыны маданият эм спорт фестивальлары бардырылгъанды. Анга къыбыла регионладан сора да, Абхазиядан, Донецк эм Луганск халкъ республикаладан мингден аслам спортчу къатышхандыла.