Жамауат

Автомашиналары болгъанла ОСАГО полисни алыргъа борчлудула. Аны страховой компанияла бередиле, кеслери да хакъын алып. Алай бирде аны жарашдыргъан къыйын болады. Компанияланы сайтларында, офислеринде да тыйгъычла чыгъып, адам полис алалмай туруучуду. Аны сылтауларыны эмда аллай затха тюбегенде не зат этерге боллугъуну юсюнденди бу материал.

Къабарты-Малкъарны Жамауат палатасында республикада льготачыланы дарманла бла жалчытыу къалай тамамланнганы сюзюлгенди.

Социал политика, саулукъ сакълау, физкультура эм спорт жаны бла комиссияны башчысы Галина Егорова къырал субсидияла бергенини хайырындан тынгылы медицина болушлукъ, дарманла, къан, багъыу аш-азыкъ эм энчи терапия керекли кёп адамла социал эм битеулю медицина льготала бла хайырланадыла, деп билдиргенди.

Нек ангыламайдыла ата-анала сабийлерин? Не зат тюрленнгенди дунияда? Психологла юйюрлени бир ненча тюрлюлерин белгилейдиле. Аны юсюнден психолог Текуланы Виола бла ушакъ этгенбиз.

Элбрусда агъачла тогъуз минг гектардан аслам жерде ёседиле. Минги тауну къарлы этеклерича, аласыз да Шимал Кавказны эм ариу жерин эсинге келтирген къыйынды. Алгъа жыллада, бюгюн да аланы кёрюрге сюйген адамла алай кёп болгъанлары сейир тюйюлдю – бийик нарат эм къайын терекле, гюллю, тюрлю-тюрлю битимли тикле инсанны эсин бийлей, кёлюн нюрден, жарыкъдан толтурадыла. Былайда агъачла, тамырлары бла жерни кючлеп, тауланы сакълагъанларын, курт юзюлгенни бла ташла тюшгенни хатасын азайтханларын да белгилерге тийишлиди. Аны бла да чекленмей, ала хауаны тазалаугъа да уллу къошумчулукъ этедиле.     

Къабарты-Малкъар къырал аграр университетни «Теплоэнергетика эмда теплотехника» факультетини биринчи курсунда окъугъанлагъа «Россети Шимал Кавказ» республиканы энергосистемасыны диспетчер арасына экскурсия къурагъанды.

От тюшюуге къоркъуу болгъан заманда жорукълагъа тийишлиликде энчи низам кийириледи, къутхарыучуладан а дайым да хазырлылыкъда туруу изленеди, энчи техниканы чурумсуз ишлерча онгларына къаралады. Аны бла байламлы МЧС-ни регионда Баш управлениясыны от ёчюлтюу службасы къутхарыу бёлюмледе халны тинтгенлей турады. Бу жол ол 26-чы бёлюмде болгъанды.

Бу кюнледе республиканы тауларында 1069 адамдан къуралгъан 141 турист къауум эсепге тюшгендиле, аладан 6-сы тыш къыралладан къауумладыла, битеу да 19 инсан.

Бюгюнлюкде тюкенледе сатылгъан ашарыкъланы качестволары жазылгъан мардаларына келишмегенлерини юсюнден кёп жерледе айтыла турадыла. Биз ара басмада ол жаны бла белгили россейли экспертлени оюмларын басмалайбыз.

Насып неди, деген соруугъа хар ким да кеси ангылагъанча жууап эте болур. Бирле къолайлыкъны сайлайдыла, бирле уа аны юйюр къурауда, тынчлыкълы, ырахатлы жашауда кёредиле. Ала да кеслерича тюз болурла, ол аланы сайлауларыды… Саусуз адамгъа уа сорчугъуз, аны жууабы жаланда бир боллукъду. «Дуния мюлкден эсе, ол саулукъну сайларыкъды; манга да аны кесимде сынаргъа тюшюп, андан айтама», - дейди Жаболаны Асият.

Хурметли жамауат!  «Заман» миллетибизни жангыз газетиди. Аны бетлеринде малкъар халкъны маданиятыны, тарыхыны, бюгюннгю жашаууну, айтхылыкъ адамларыны, жетишимлерини эмда жарсыуларыны юсюнден басмаланнган материалланы сиз бир башха изданияда табаллыкъ тюйюлсюз.