Дейское элде - жангы сквер

Терк районну  Дейское элинде  «Тап шахар болум къурау» деген миллет проектни чеклеринде  жамауат тийрени тапландырыу ишле бардырыла турадыла, деп билдиргендиле муниципалитетни жер-жерли администрациясындан. Сёз мында элни ортасында скверни юсюнден барады. Ол кеси да алгъаракъда жангыртылгъан Маданият юйню къатында ишленирикди. 

Бюгюнлюкге подряд организацияны къурулушчулары ол тийреде асфальт салып бошагъандыла, урнала, шинтикле, жолчукъланы жарытхан чыракъла да орнатхандыла. Аны бла белгиленнген ишлени асламысы тындырылгъанды, энди уа терекчикле бла юлкюле салыргъа къалгъанды.