Излемлеге келишмегени тохташдырылгъанды

КъМР-ни право низамны сакълаучулары Нальчикде ичги затла сакъланнган складны ачыкълагъандыла. Анда 3,5 минг аракъы шеша, 160 литр спирт, 10 литр коньяк табылгъандыла, продукция жалгъан болгъанына ишеклик барды. 

Операция республиканы Ич ишле министерствосуну экономика къоркъуусузлукъ эм коррупциягъа къажау управлениясыны къуллукъчулары,  ФСБ-ны эмда Росгвардияны управленияларыны келечилери бла бирге алкоголь рынокда аманлыкъланы тохтатыу жаны бла  мадарланы чеклеринде бардырылгъанды, деп билдиргендиле бизге ведомствону пресс-службасындан. Склад Нальчикде Южный проезд орамда орналыпды. Экспертиза полициячыла тапхан продукция ГОСТ-ну излемлерине келишмегенин тохташдыргъандыла. 

РФ-ни МВД-сыны Нальчикде управлениясыны следствие бёлюмю РФ-ни УК-сыны 171.3-чю статьясыны 1-чи кесегине тийишлиликде уголовный иш ачханды (этил спиртни, ичги эм спирти болгъан продукцияны законсуз чыгъаргъаны эм сатханы ючюн).