«Хорламны диктанты» Элбрусда да жазыллыкъды

«Хорламны диктанты» быйыл къыралда 12 мингден аслам жерде бардырыллыкъды, ол а алгъын болмагъанча кёпдю. Халкъла аралы акция 27 апрельде боллукъду.

Биринчи кере болуп анга Калининградда Дуния океанны музейи, Москвада Кремльде дипломатланы залы, Севастопольда «Сметливый» кеме, Кърымда Ливадия дворец, Красноярск крайда «Ергаки» парк бла Владивостокда океанариум да къошуладыла. Диктантны арасы  Москвада   Хорламны музейинде боллукъду.

 Быйыл акция бешинчи кере бардырылады. РФ-ни Къырал Думасыны информация политика жаны бла комитетини башчысы Александр Хинштейн айтханыча, бу жумушха жылдан-жылгъа сейир кёбееди,  ол бардырыллыкъ жерле кенгередиле. «Шёндю тарых кертиликни    кенг белгили этиу бютюнда магъаналыды. Аны Россейде, андан тышында да хар инсаннга ачыкъларгъа керекди. «Хорламны диктантында» адам кесини билимин сюзгени бла бирге ата-бабаларыбыз Хорлам ючюн къаллай къыйын салгъанларына тюшюнюрге онгу болады. Бу жумуш келир тёлюлеге аппаларыбызны батырлыкъларын билдирирге, аланы жигитликлерин ёмюрлюк этерге болушады»,-дегенди ол.

Эсигизге салайыкъ, «Тарых эсде тутуу» партия проектни чеклеринде къуралгъан «Хорламны диктанты» халкъла аралы тарых акция Россейни битеу регионларында, тыш къыраллада да бардырыллыкъды. Анга онлайн халда диктантпобеды.рф сайтда къатышыргъа боллукъду. Бу иш школчуланы, жаш адамланы, россейлилени бла тыш къыраллыланы эслерин Ата журтубузну тарыхын тинтиуге сейирлерин къозгъаргъа, тарыхны къалай билгенлерин сынаргъа, жангы билим алыргъа онг береди.  

  Акцияны «Единая Россия» партия, Россейли тарых общество, Россейли аскер-тарых общество бардырадыла.

Битеу соруулагъа тюз жууапла берген школчулагъа  вузгъа окъуугъа киргенде къошакъ онгла бериледиле.  Айырмалыла уа 9 майда Москвада Хорламны парадына  чакъырыллыкъдыла.

 Партияны КъМР-де регион бёлюмюню толтуруучу комитетини башысыны орунбасары, КъМР-ни Парламентини депутаты, «Тарых эсде тутуу» партия проектни регионда толтуруугъа жууаплы Дмитрий Парафиловну KABARDIN-BALKAR.ER.RU сайтны журналистлерине айханына кёре, республикада диктантны   76 жерде жазарыкъдыла.  Анга хазырланыу жумушла толтуруладыла.

- «Аскер махтаулукъну шахары» Нальчикде диктант жазыллыкъ жерле асламдыла. Ол санда  Къабарты-Малкъар къырал университетде бла къырал аграр университетде, Искусствону Шимал-Кавказ къырал институтунда къураллыкъдыла. Дагъыда  Европаны эм бийик тёппеси Эльбурсда да толтуруллукъдула ол жаны бла жумушла,-дегенди ол.