Казбек Коковну Росгвардияда къуллукъ этгенлени профессионал байрамлары бла алгъышлауу

 Хурметли жолдашла! Сизни профессионал байрамыгъыз бла – Россей Федерацияны Миллет гвардиясыны аскерлерини кюню бла – алгъышлайма.

Озгъан кезиуню ичинде Росгвардия къыралда законлукъну бла право низамны жалчытыуда Россейни жалынчакъсызлыгъын бла къоркъуусузлугъун, инсанларыбызны эркинликлерин бла сейирлерин къоруулау системаны ышаннгылы кесеги болгъанды. Росгвардияны Къабарты-Малкъар Республикада Управлениясында къуллукъ этгенле анга бек тап келишедиле, бийик усталыкълары, кишиликлери, батырлыкълары, жашауларына къоркъуу тюшгенде да, къуллукъ борчларын бет жарыкълы толтуруу бла айырмалы болгъанлай къаладыла.

Бек иги профессионал тёрелени байыкъландыра, сиз терроризмге бла экстремизмге, аманлыкъчы къауумлагъа къажау кюрешге, жамауат къоркъуусузлукъну жалчытыугъа, бек магъаналы объектлени сакълаугъа тийишли юлюшюгюзню къошасыз. Не тюрлю болумда да, бек къоркъуулу кезиуледе окъуна, антыгъызгъа кертичилей къалгъаныгъызны кёп кере кёргюзтгенсиз. Ата журтха жюрегигиз бла къуллукъ этгенигиз, ишигизге кертичилигигиз, борчугъузну бет жарыкълы толтургъаныгъыз ючюн уллу ыспас этебиз эмда жюрек ыразылыгъыбызны билдиребиз.

Бюгюнлюкде Росгвардияны регион бёлюмюню аскерчилери бла башчылары, энчи аскер операциягъа къатыша, жигитликни бла кишиликни юлгюсюн кёргюзтедиле.  Къабарты-Малкъарны жамауатыны атындан алагъа уллу хурмет этгенибизни, ыразылыгъыбызны да билдирирге сюеме. Мындан ары да сиз инсанларыбызны бла жамауатыбызны къоркъуусузлукълары ючюн къалкъанча сюеллигигизге, Ата журтха намыслы къуллукъ этеригигизге ийнанама.

  Байрам бла жюрегими теренинден алгъыщлай, кийик саулукъ, ниет чыныгъыулукъ тежейме! Ата журт ючюн къуллукъ этесиз да, ол жетишимли болсун!