Сизни солугъан кезиуюгюзгеМажир саулугъуна къаратыргъа врачха барады. -Бусагъатдагъы аурууунг бла сен 80-жыллыгъынга дери жашарыкъса деп таукел айталлыкъма,-дейди врач. -Доктор! -дейди Мажир.- Мени саулугъум аллай бир осалгъамы кетгенди? Былтыр келгенимде, 100 жыл жашарыкъса, деген эдинг да? х х х Айшат баш иеси бла театргъа келгенди. Экиси да олтуруп тургъанлай, ол баш иесини къулагъына былай айтып шыбырдайды: -Жаным, къарачы, сени ары жанынгда олтургъа ким эсе да жукълай турады. -Да не эди да? – дейди эри, артыкъ ыразы болмай. – Аны айтыр ючюнмю уятдынг мени? х х х Эр бла къатыннга суратчы былай сорады: -Мен суратларыгъызны бир бирден кенгде ишлерими нек сюесиз? -Бара баргъан заманда бир бирден айырылабыз десек, суратны кесип, хар ким кесиникин алыргъа тап болур ючюн, -деп жууаплады тиширыу. х х х Сюдде Хажосха былай сордула: -Ол адамны сен таякъ бла тюйгенинге женгдиремисе? -Женгдиреме. -Сюдню оноуун жумушатыр ючюн не айталлыкъса? -Айтырыгъым буду: таягъым бек жумушакъ терекни бутагъындан эди. х х х Бир поэтни назму китабын сюзер ючюн бардырылгъан жыйылыуда бир къыз поэтден былай сорады: -Назмуларынгы мен къыйналып окъуйма, жазгъан заманынгда сен алай къыйналамы эдинг? х х х Нафисат баш иесине былай сорады: -Жаным, мен башха эр кишиге кетсем, жюрегинг къыйналлыкъмыды? -Ол сени аллыкъгъа мени жаным нек къыйналыргъа керекди? х х х Тенгледен бири экинчисине: «Сен сарыуексе!»,-дегенди. Юч жыл озгъандан сора жаш алай айтхан тенгин сюдге бергенди. -Быллай бир заманны уа нек турдунг? – деп соргъандыла жашха. -Тюнене зоопаркга баргъанымда кёргенме сарыуек къаллай болгъанын,-деп жууаплагъанды ол. х х х -Хапарынгы ахырына жетдирмегенсе,-дейди жаш жазыучуладан бирине китап басманы редактору. -Аны хатасы жокъду. Кесигиз сагъыш этчигиз, бусагъатда китапны ахырына дери ким окъуйду?
Поделиться:
Читать также:
01.05.2024 - 10:30 →
Къабарты-Малкъар Республиканы Башчысы К.В.Коковну Жаз башыны бла Урунууну байрамы бла алгъышлауу
01.05.2024 - 09:00 →
Ёмюрлеге эсде къалырча
30.04.2024 - 09:05 →
«Ызыбыздан келгенлени кёллендирирге, сахнаны жашырынлыкъларына тюшюндюрюрге кюрешебиз»
29.04.2024 - 18:47 →
Къабарты-Малкъарда суу жагъаланы ариуларгъа 30 минг адам къатышханды
29.04.2024 - 09:05 →
Ахшы тёрелеге кертичилик
|