Къыйынына – тийишли багъаАлгъаракълада Нальчикде КъМР-де Адамны эркинликлери жаны бла уполномоченныйини эксперт советини жыйылыуу ётгенди. Ол правону къоруулау жаны бла институт къуралгъанлы онбеш жыл толгъанына жораланнганды. Аны ишине РФ-де Адамны эркинликлери жаны бла уполномоченный секретариатыны башчысы Александр Козловну башчылыгъында бу институтну къауум келечиси, дагъыда КъМР-ни Правительствосуну Председатели Мусукланы Алий, республиканы Башчысыны Администрациясыны таматасы Мухамед Кодзоков, КъМР-де баш федерал инспектор Тимур Макоев да къатышхандыла. Жыйылыуда КъМР-де Адамны эркинликлери жаны бла уполномоченный Зумакъулланы Борис доклад этгенди. Ол Россейни уполномоченныйлерини былтыр ноябрьде Москвада бардырылгъан битеуроссей координация советини кенгешини эсеплерини бла КъМР-де Адамны эркинликлери жаны бла упономоченныйни 15 жылны ичинде ишини юслеринден тынгылы билдириу этгенди. Ахырында уа хычыуун жумуш да тамамланганды – правону къоруулау жаны бла институтну ишине себеплик этген къауум адам саугъаланнганды. Аланы араларында КъМР-де Адамны эркинликлери жаны бла уполномоченныйни Черек районда келечиси Уяналаны Къубадийни жашы Виктор да барды. Ол «Адамны эркинликлерин къоруулагъаны ючюн» майдалгъа тийишли болгъанды.
Поделиться:
Читать также:
27.04.2024 - 10:42 →
Онг тапдырыр орунуна...
27.04.2024 - 10:41 →
Аскерчи, актёр, ата...
27.04.2024 - 10:30 →
Таркъаймазлыкъ насып
27.04.2024 - 10:28 →
Къабарты-Малкъар Республиканы Башчысы К.В.Коковну Россейли парламентаризмни кюню бла алгъышлауу
27.04.2024 - 08:50 →
«Сабийле кеслери араларында байламлы, бир бирге къаршыракъ болурларын сюеме»
|