Зыбыр къалгъан-къулгъанланы жарашдырлыкъдыла Къабарты-Малкъарда жуууукъ заманда коммунал зыбыр къалгъан-къулгъанланы жарашдыргъан комплексли предприятие ишлер муратлыдыла. Аны къурулушуна юч миллиард сомдан аслам къоратыллыкъды. Россейни экология операторуну таматасы Денис Буцаев айтханнга кёре, бир жылгъа юч минг тонна зыбыр къалгъан-къулгъанны жарашдыргъан предприятие 2024 жылгъа ишлеп башларча болургъа керекди. Заводну къурулушуна къоратыллыкъ ахчаны 95 процентин оператор кесинден бёллюкдю. Республикагъа жаланда концессия келишимни къабыл этерге эм проект-смета документацияны жарашдырыргъа керекди. Эсге сала айтсакъ, быллай завод ишлерге Къабарты-Малкъарда табийгъат онгла аламат келишедиле. Къурулушну башлардан алгъа инженер ишле тамамланыргъа тийишлидиле. Аллай амал проект-смета документацияны хазырлауда эм тийишли къырал экспертизаланы да къысха заманда ётерге болушурукъду.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
| ||
