Юс кийимледен – мебельге дериКъМР-де УФСИН-де къуллукъ этгенле аланы бёлюмлеринде чыгъарылгъан продукцияны кёрмючюн къурагъандыла. Анга къараргъа Россейде ФСИН-ни Тутулгъанланы производство ишлерин къурау эмда урунуу бла тюзетиу жаны бла управлениясыны башчысыны къуллугъун болжаллы халда толтургъан Валерий Пантелеев, СКФО-да къырал, муниципал эм коммерциялы структураланы башчылары эмда уголовный-толтуруучу органланы жер-жерли производство службаларында ишлегенле да келгендиле. Алагъа битеу да тутмакълада бла колониялада чыгъарылгъан продукцияны жюзден артыкъ тюрлюсюн кёргюзтгендиле. Аланы араларында юс кийимле, темирден этилген затла, къурулуш материалла, аш-азыкъ продуктла, мебель, ашханада керекли адырла, дагъыда алагъа ушаш башха затла да бар эдиле. Къонакъла кёрмючден сора 1-чи номерли колониягъа барып, аны производство амаллары бла да шагъырейленнгендиле. Ала КъМР-де УФСИН-ни таматасы Аслан Лихов бла темир чалдишле, «Рабица» сетка, ПВХ-дан терезеле, эшикле, пеплоблокла, полимер люкла жарашдырылгъан цехлеге да барып къарагъандыла. Андан сора ишчи кенгеш болгъанды, аны кезиуюнде УФСИН-ни бла жер- жерли коммерциялы организацияланы башчылары бла бирге ишлеуню юсюнден сёлешиннгенди, ведомствону производство секторун иш бла жалчытыуну юсюнден келишимге да къол салыннганды. Алай бла УФСИН-ни учреждениялары, бизнесменле, энчи предпринимательле да 3586,8 минг сом багъасы продукция чыгъарып сатаргъа оноулашхандыла, деп билдиргендиле бизге КъМР-де УФСИН-ни пресс-службасындан.
Поделиться:
Читать также:
22.07.2020 - 08:10 →
Къыралны законларына бойсунуу битеу жамауатха да адет, низам, къылыкъ болургъа керекди.
10.07.2020 - 08:03 →
Ишден кетгенде эркинликлеригиз бузулмазча
05.06.2020 - 08:03 →
Жарамагъан машина ючюн налог тёлеп турмазча
20.05.2020 - 08:02 →
Ахчаны къайсы банкга ышаныргъа боллугъун билир амал бармыды?
20.05.2020 - 08:00 →
Къагъыт а юйге тутхучлулукъ эталырмы?
|