Къабарты-Малкъарда эл мюлк айный барадыСеверо-Кавказстат билдиргеннге кёре, Къабарты-Малкъарда тюрлю-тюрлю иеликлери болгъан эл мюлк товар чыгъарыучула озгъан беш айны ичинде продукцияны 3,5 процентге кёбейтгендиле, 2021 жылны январь-май айларыны кезиую бла тенглешдиргенде. Шёндю тохташдырылгъан багъалагъа кёре, 10,5 миллиард сом багъасы эл мюлк продукция чыгъарылгъанды, деп билдиргендиле КъМР-ни Башчысыны бла Правительствосуну пресс-службасындан.Саулай да экономиканы эл мюлк бёлюмю тийишлисича ишлейди. Шёндю жазлыкъ битимлени тирликлерин жыйып башлагъандыла, тууарланы эм уакъ аякълы малланы саны ёсе барады, малчылыкъдан алгъан асламлы продукцияны ёлчеми кёбейтилгенди. Юсюбюздеги жылны январь-май айларында тюрлю-тюрлю иеликлери болгъан мюлкле 181 тонна сют алгъандыла. Ол кёрюмдю озгъан жылны бу кезиую бла тенглешдиргенде 101,7 процентни тутады.2022 жылны беш айына 37,7 минг тонна тууар эм тауукъ эт чыгъарылгъанды. Ол кёрюмдю былтыр бла тенглешдиргенде, 6,5 процентге кёпдю. Жумуртха чыгъарыу да кёбейгенди, битеу да белгиленнген кезиуге аладан 77 миллион алыннганды, деп айтылады билдириуде. Бизни корр.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
|