Ветеранланы тизмесине аскерчи корреспондентле да къошулургъа боллукъдулаРФ-ни Къырал Думасыны депутатлары Украинада, Донецк эм Луганск республикалада бардырылгъан энчи операциягъа къатышхан граждан къуллукълада ишлегенлеге «ветеран» деген статусну бериуню юсюнден законну проектин биринчи окъулууда сюзгендиле. - Бюгюнлюкде аскерчи болмагъанла аллай сыйлы атны жаланда алагъа салыннган борчланы толтургъан кезиуде жаралы болсала неда къырал саугъагъа тийишли кёрюлселе алыргъа эркиндиле. Былайда сёз Сауутланнган кючледе граждан къуллукъланы юслеринден барады: врачланы, техниканы жангыртыу бла кюрешгенлени эм башха усталыкъланы. Закон къабыл кёрюлсе уа, ала, ветеранлача, тюрлю-тюрлю льготала аллыкъдыла. Ол санда налог тёлегенле эм башхала. Граждан къуллукъланы толтургъанла операцияны кезиуюнде жигитликни юлгюсюн кёргюзтедиле. Аны себепли къыралны жанындан алагъа себеплик болургъа керекди,-дегенди законну проекти бла шагъырей эте, Къырал Думаны башчысы Вячеслав Володин. Проектни сюзген кезиуде белгили болгъаныча, экинчи окъулуугъа проектге тюзетиуле кийирилип, бу сыйлы ат аскерчи корреспондентлеге да аталыргъа боллукъду.
Поделиться:
Читать также:
02.05.2024 - 09:15 →
Спортну байрамы андан ары бардырыллыкъды
29.04.2024 - 15:08 →
Информационное сообщение
26.04.2024 - 17:52 →
Нальчикде жууукъ заманда биринчи ИТ-парк къураллыкъды
24.04.2024 - 17:32 →
КъМР-ни Башчысы Казбек Коков Нальчикде ишлене тургъан поликлиниканы жокълагъанды
22.04.2024 - 08:30 →
«Депутатха туугъан журту ючюн къайгъыргъан адамла келедиле»
|