Татлы ашарыкъланы чыгъарыу ёсе барады

Шимал Кавказстатны эсеплерине кёре,   быйыл Къабарты-Малкъарда  январь-февраль айлада татлы ашарыкъладан 1,7 минг тонна чыгъарылгъанды. Ол былтыр бу заман бла тенглешдиргенде 7 процентге кёпдю.  

Бюгюнлюкде республикада: печенье, торт, пирожный, мармелад, зефир, конфет дегенча  продукцияны эмда башха кёп татлы ашарыкъланы   юч уллу кондитер  фабрика бла  гитче цехле чыгъарып кюрешедиле.  

 Бусагъатда кондитер  биригиуле  башха замандача ишлейдиле. Экономика жаны бла къыралгъа болмагъанча  къысыулукъ этилген кезиуде, алагъа жангы амалла излерге да  тюшеди. Ол санда  партнёрла табаргъа, алыучулагъа кёре продукцияны  тюрлендирирге, логистиканы къураргъа эм башхаланы сагъыныргъа  боллукъду. Саулай алып айтханда,  регионну жарашдырыучу промышленность комплекси  жангы  чакъырымлагъа хазырды,- дейди КъМР-ны эл мюлк министри      Хасан Сижажев.