Аскер борчларын толтургъанда ёлгенлени юйюрлерине къайгъы сёз берилгенди

"Къабарты-Малкъарны хурметли халкъы!

Донбассны къоруулагъан кезиуде аскер борчларын толтургъан сагъатда, кишиликлерин эм батырлыкъларын кёргюзтюп, тёрт жерлешибиз жоюлгъанларын уллу бушуу этип, жарсып билдирирге тийишлиме.

Жан берген аскерчилени юйюрлерине къайгъы сёз береме. Ол уллу бушууду. Ала, къыралыбызны эм халкъны къоркъуусузлукъларын сакълап, кеслерини жашауларын бергендиле. Ала бизни эсибизден кетерик тюйюлдюле. Ёлгенлени юйюрлерине не жаны бла да болушлукъ тапдырыллыкъды",- деп билдиргенди КъМР-ни Башчысы Казбек Коков кесини официальный сайтында.