Республика Донецкден эм Луганскдан келгенлеге гуманитар болушлукъ тапдырады

Къабарты-Малкъар Донецк эм Луганск халкъ республикадан Ростовда орналгъан къачхынчылагъа гуманитар болушлукъ жиберирге хазырланады. КъМР-ни Башчысы Казбек Коковну буйрукъларына кёре аш-азыкъ эм биринчи керекге изленнген затла бла жыйымдыкъладан къуралгъан гуманитар жюк Ростовха ашырылады.

Алгъын билдирилгенича, Къабарты-Малкъар 400 къачхынчыны алыргъа хазырды, ала регионну беш санаторийинде турлукъдула. Бусагъатда Донецкден бла Луганскдан къачхынчылагъа медицина болушлукъ тапдырыу, республиканы билим бериу махкемелеринде сабийлени окъутууну къурау соруулагъа къаралады.