Социал магъаналы соруулагъа - аслам эс

Кёп болмай  Регионнга оноу этиу жаны бла арасында  (ЦУР) Терк муниципал  районну администрациясыны башчысы  Муаед Дадов бла тюзюнлей эфир болгъанды.  Аны бла ушакъда миллет проектлени эм башха программаланы чеклеринде   тамамланнган  эм этилирге керек  ишлени юсюнден айтылгъанды. Къонакъ тынгылаучула берген соруулагъа да жууапла бергенди.  Анга  социал сетьледе олтургъанла да тири къатышхандыла.  

Муаед Алиевич бир сагъатны ичинде   онюч соруугъа жууапларгъа жетишгенди.  Аланы асламысы жолланы игилендириу, таза суу бла жалчытыу, кече орамланы жарытырча мадар этиу, социал магъаналы объектлени жангыртыу, тийирени игилендириу эм башхала   болгъандыла.   

Сёз ючюн, «Инцидент Менеджмент» системагъа Терек шахарда Къабарты орамда кёп фатарлы 162-чи номерли юйню башы суу жибергени да сагъынылгъанды.   Муаед Дадов быйыл  анга тынгылы ремонт этилиригин айтып жапсаргъанды.  Аны бла бирге ол  КъМР-ни Башчысыны буйругъу бла   республиканы 100-жыллыгъына аталгъан ишлени чеклеринде Терекде 1850 метр чакълы бирде Ленин атлы орам жангыртыллыгъын да  билдирилгенди.

Андан сора да, 2022-2023 жыллада районну сегиз школуна тынгылы ремонт этиллигин эм мюлк-техника мурдорларын да игилендириллигин белгилегенди. Эсге сала айтсакъ,    «Демография» миллет проектге кёре, муниципалитетде сабий садлада 320 жер къуралгъанды.