Казбек Коков Регионнга оноу этген араны ишчилери бла тюбешгенди

КъМР-ни Башчысы Казбек Коков Регионнга оноу этген арагъа баргъанды, ол Къабарты-Малкъарда 2020 жылда ноябрьде ишлеп тебирегенди.

Социальный сетьледе адамала бла байламлыкъны жюрютюу эм аланы кёрюмдюлерин мониторинг этиу кесини къыйматлыгъын кёргюзтгенди.  Жаланда озгъан жылда окъуна адамладан келген 17 минг къагъытха къаралгъанды. Къабарты-Малкъар Республиканы Регионнга оноу этген арасы алгъан соруулагъа жууапланы хазырлау эм аланы иелерине тапдырыу бла къыралда алчыланы санына киреди.

Регионнга оноу этген араны ишине министерствола бла муниципал къуралыула къатышадыла.

 Арада ишлегенлени айтханларына кёре, алагъа  асламысында социал жаны бла къоруулауну, жашау - комунал мюлкню, саулукъ сакълауну юсюнден соруула келедиле.  Министерствола эм жер-жерли администрацияла, адамланы къайгъы этдирген магъаналы сорууланы юсюнден, ангылатыула бардырыладыла.

«Инцидент менеджмент» деген системагъа жылны аллындан бери 900 къагъыт келгенди, алагъа къарауну заманы 15 такъыйкъадан кёп болмайды. Билдириуню ачыкълагъан карта кеси алына къайда къаллай къайгъы болгъанын билип къояды, сора анга кёре анализ этиледи эм толтуруучу органлагъа тийишли мадарла къураргъа буюрулады.

КъМР-ни Башчысы Регионнга оноу этген арадан ыйыкъ сайын мониторингни эм аналитика билдириуню онлайн амал бла алады.

Тюбешиуню кезиуюнде ишчи жумушла да сюзюлгендиле, ол санда коронавирус аурууну жангы тюрлюсю жайыла баргъаны бла байламлы адамла кёп сёлешгенлери да айтылгъанды.

Казбек Коков Регионнга оноу этген араны бла КъМР-ни Саулукъ сакълау министерствосу байламлылыкъларын кючлерге кереклисин айтханды. «Медицина болушлукъ излеп сёлешген адамланы соруулары не къадар терк жарашдырылыргъа керекдиле»,- деп чертгенди республиканы оноучусу.

 Бизни корр.