Проектлени себеби - жангыртылгъан мектепле, билим бериу аралаШколлагъа тынгылы ремонт этиу жаны бла быйыл Къабарты-Малкъарда аслам иш этилликди. Саулай алып айтханда, бу эки жылны ичинде элли мектеп жангыртыллыкъды. Дагъыда «Билим бериу» миллет проектни чеклеринде, Россейни Жигити Г. Н. Трошевни атын жюрютген 11-чи орта школну мурдорунда «Кванториум» ара ачыллыкъды. Андан сора да, элледе бла гитче шахарлада 37 орта школда «Точка роста» деген бёлюмле къураллыкъдыла. Орта билим берген тёрт учрежденияда уа онбир мастерской ишлеп башларыкъды. Онюч орта школда онбеш спорт залгъа ремонт этилликди. «Земский учитель» деген къырал программаны хайырындан жети педагог биришер миллион сом къоллу боллукъдула. Этилген ишлени саны да асламды. Эсге сала айтсакъ, «Билим бериу» миллет проектни чеклеринде былтыр республикада юч орта школну къурулушу башланнганды: Прохладныйде (785 жерли), Нарткъалада (500 жерли) эм Куба элде (500 жерли). Солдатская станицада эмда Чегемде ишленнген жангы школла уа хайырланыугъа берилгендиле. Дагъыда 38 «Точка роста» ачылгъанды, Нальчикде 4-чю номерли школда «Кванториум» къуралгъанды, 1-чи номерли школ-интернатда бла Приближная станицада аллай учрежденияда бирер «Доброшкола» ара ишлеп башлагъанды.
Поделиться:
Читать также:
25.04.2024 - 18:49 →
Юйретиу ишде уллу магъанасы болгъан дерсле
25.04.2024 - 09:38 →
Тарыхдан дерслени саны кёбейирикди
24.04.2024 - 08:30 →
Районну атын иги бла айтдырадыла
23.04.2024 - 17:24 →
Патриот сезимлени айныта
18.04.2024 - 09:00 →
Ана тилни айнытыу амалланы сюзгендиле
|