Эл жерлени айнытыугъа – 227 миллиондан аслам сом

КъМР-ни Эл мюлк министерствосуну башламчылыгъы бла бардырылгъан   «Комплекс халда эл жерлени айнытыу» къырал программагъа кёре эки жылны ичинде республикагъа  227,38 миллион сом болушлукъ берилликди.  Аны асламысы, неда   225,106 миллион сом чакълысы, федерал бюджетден бёлюнюрюкдю, республикада кесинден да    2,274 миллион сом къошарыкъды. Аны юсюнден  профильли ведомствону  пресс-службасындан билдирелдиле.

Сагъынылгъан финансланы хайыры бла  социал магъаналы юч проектни  бардырыргъа онг табыллыкъды. Ол санда  Къашхатауда орта школгъа бла Маданият юйге тынгылы ремонт этилликди эм клубха  эки автобус сатып алынырыкъды. Прохладна районну  Пролетарское элинде   мектеп  жангыртырыкъды,  орамла кече жарыкъ болурча этилликди  эм таза суу бла жалчытырча  скважина ишленирикди. Солдатская элде да быйыл жангы скважинаны  бла  140 сабийге школгъа дери билим бериу учрежденияны къурулушлары башланырыкъды. 
Планнга кёре, садикден къалгъан  объектле быйылны ахырына хазыр боллукъдула.