Гитче эм орта бизнесге танг болушлукъ

5 февраля, 2021 - 08:00

Быйылгъы  жылны аллында белгиленнген эсеплеге кёре,   Россельхозбанкны Къабарты-Малкъарда бёлюмю (РСХБ)  гитче  эм орта  бизнесде къармашхан предпринимательлеге   766 миллион  сомдан аслам ёнкюч бергенди.   Аны юсюнден бизге  финанс  учреждение пресс-службасындан билдиргендиле.

Былтыр банк  инвестиция  проектлени, кезиулю ишлени бардырыргъа, техника алыргъа эм башха жумушланы тамамларгъа   гитче эм орта бизнесни келечилерине 677 миллион сом  эм микропредпринимательлеге да 99 миллион сом   бёлгенди.  

- Бюгюнлюкде  Россельхозбанкда кредит бла байламлы жыйырмадан артыкъ къыйматлы программа ишлейди. Аланы хайырындан  предпринимательлени продукцияларын чыгъарыуда, жарашдырыуда,  сатыуда, бизнеслерин айнытыуда эм  жангыртыуда да ахча болушлукъ алыргъа онглары барды,-дегенди    РСХБ-ны филиалында   гитче эм орта бизнесни келечилери бла ишлеген бёлюмюню таматасы Залим Алоков.

 

Магометланы Сулейман.
  • 20 просмотров
Поделиться: