Мелиорация бла кюрешгенлеге - къырал болушлукъ

Къабарты-Малкъарны Эл мюлк министерствосу эл мюлк жерлени суу бла жалчытыу (мелиорация) жумушланы тамамлаугъа субсидия къоллу болургъа сюйгенледен конкурсха къатышырча документлени алыу энтта да баргъанын эсге салады. Ведомствода айтханларыча, ахча «Къабарты-Малкъар Республикада мелиорация комплексни айнытыу» программаны чеклеринде берилликди.

Алайды да, къагъытланы жарашдырып, аланы тёртюнчю декабрьге дери (ол кюн да саналады) министерствогъа жиберирге керекди. Документлени кёп функциялы аралагъа (МФЦ) элтип берирге неда почта бла ашырыргъа да боллукъду.