Саулай экономика болумну иги жанына тюзеллиги сакъланады

КъМР-ни Парламентинде бюджет, налогла эм   финансла жаны бла комитетни таматасы  Михаил Афашагов айтханнга кёре,  келир жылда республикада  саулай  экономика болумну тюзеллиги  эм налогладан да  аслам хайыр тюшериги сакъланады. Аны ТАСС – информагенство билдиргенди.   

Быйыл республикалы бюджетни толтуруугъа кёре экинчи жылда экономиканы байыкъланныгъы эм налогладан да аслам файда жыйыллыгъы сакъланады.   Ол кёбюсюнде макроэкономика жаны бла жетишимле аман болмагъанлары ючюндю. Алай бла къолдан келгенни аямай кюрешилсе, экинчи жылда ВРП 102,2 процентге неда 162,5 миллиард сомгъа жетерикди. Ол а жалан быйылы эсеплерине келишеди. Жылны ахырына  этилген прогнозгъа кёре, къоранчланы санамай, регион продуктну ВРП  ёлчеми 8,7 процентге ёсюп  184,4 миллиард сомгъа жетерикди.  

Экинчи  эмда 2022 бла 2023 жыллагъа  бюджетлени  къурауда да  аны  байыкъландырырча парламентарийле кеслерини   оюмларын айтхандыла.     Ала кёбюсюнде  табийгъат байлыкъланы хайырланыу, аграр, курорт-рекреация эм башха бёлюмле бла байламлы болгъандыла.  

Биринчи чтенияны эсеплерине кёре, келир жылда республиканы бюджети 35,3 миллиар сомгъа жетеди. Этилирге керек къоранчла уа 36,4 миллиард сомдула.  Анга кёре 1 миллиарддан сомдан аслам дефицит эсленеди. 

- Быйыл бюджет ахчаны иги кесеги саулукъ сакълаугъа, ол санда коронавирус жукъгъан ауруу жайылмазча мадарлагъа бёлюннгенди. Аны бла бирге бирси аурууланы да унутургъа жарамайды. Алагъа да ахча бериледи – фельдшер-акушер пунктла ишленедиле, стационарлагъа ремонт бардырылады, дарманла бла жалчытырча мадар этиледи эм  башха соруула да тамамланадыла. Саулай алып айтханда,  бу жаны бла федерал эм республикалы программалада толусунлай толтурулургъа тийишлидиле, - дегенди Михаил Галимович.