Псыхурейде ГЭС-ге – 20 жыл

Къабарты-Малкъарны  Псыхурей элинде ГЭС-ге бу кюнледе жыйырма жыл толгъанды. Аны юсюнден РусГидро компанияны республикада бёлюмюнден билдиргендиле.

 Станцияны биринчи гидроагрегаты 2000 жылда 4 октябрьде ишлеп башлагъанды. Объект Басхан-Малка ирригация арыкъда къуралгъанды. Аны кючю 3,5 мегаваттды. Бир жылгъа орта эсеп бла алып тергегенде,  8,8 миллион киловатт сагъат ток чыгъарады, ишлеп башлагъанлы бери уа 146 миллион кВт.

ГЭС-ни къурулушу 1993 жылда башланнган эди. Эки жыл озгъандан сора анда биринчи гидроагрегатны орнатхандыла. Жылла оза баргъаны бла станцияны да  жангырта барадыла. 2014-2019 жыллада  анда трансформаторну алышхандыла, жангы аппаратура эмда оборудование  орнатхандыла.

«Псыхурей ГЭС-де иш кёллю, билимли, гидроэнергетикагъа таза жюрекден берилген адамла урунадыла. Тутхан ишигизге жууаплы кёзден къарагъаныгъыз ючюн сау болугъуз.  Сизни кесими эмда коллективибизни атыбыздан станцияны юбилейи бла алгъышларгъа сюеме, кийик саулукъ, урунууда жетишимле эмда юйюрлеригизде монглукъ тежейме!» - дегенди бёлюмню башчысы Игорь Кладько.