Абаданлагъа себепликге

РФ-ни Пенсия фондуну Терк районда бёлюмюнде уруннган бир талай адамдан волонтёр къауум къуралгъанды, деп билдиредиле ПФР-ни пресс-службасындан.

Бу къауум районну пенсиячыларыны  союзу бла бирге ишлерикди. Ол дагъыда КъМР-ни волонтёрлукъну айнытыу жаны бла ресурс арасыны  муниципалитетде бёлюмю бла да къурагъанды байламлыкъла.

"Волонтёрла абаданлагъа эмда  кеслери жангыз жашагъан пенсиячылагъа болушлукъ бериу бла кюреширикдиле. Аланы борчларына  къырал социал жаны бла къаллай онгла бергенин ангылатыу, медицина болушлукъ тапдырыу  эмда социал службалагъа сёлеширге себеплик этиу, хакъсыз дарманла бла жалчытыу не халда болгъанын кёз туурада тутуу" киреди, - деп ангылатхандыла ведомствода.

Алай бла волонтёр къауум ишин болжалгъа салмай бу кюнледе окъуна пенсиячыланы жокълап тебирегенди.