Къыйын болумлада гитче бизнесни онгдуруугъа къайгъырыу бла

«КъМР-ни предпринимательствогъа себеплик этиу арасы»  регион фондда онлайн халда «Къыйын кезиуледе бизнесни гитче тюрлюлерин айнытыу» деген ючюнчю конференция бардырылгъанды. Анга республикада гитче эмда орта предпринимательство бла кюрешгенле къатышхандыла, деп билдиргендиле КъМР-ни Бизнес-инкубаторундан. Бу ишге регионну Экономиканы айнытыу министерствосу да билеклик этгенди.

Конференцияны вице-спикери предприниматель, маркетолог, бизнес-тренер, «Ахчагъа эс буруу» программаны автору Алексей Верегин эди. Анга фасилитатор, Праганы экономиканы эмда политиканы Ачыкъ академиясыны креатив эмда когнитив методологияла кафедрасыны башчысы Ольга Ладога-Ячменева, Head Hunter компанияны маркетинг эмда жамауат бла байламлыкъла жаны бла менеджери Арина Сискевич болушлукъ этгендиле.

Конференцияны ишин ача, араны башчысы Залим Кайсинов къонакъланы ол таматалыкъ этген учрежденияда не бла кюрешгенлери бла шагъырейлендиргенди. Республикада гитче эмда орта предпринимательствону айнытыу жаны бла  мадарланы юсюнден  да билдиргенди.

Ызы бла чакъырылгъан специалистле бла бирге бизнесни айнытыуда къаллай тыйгъычлагъа тюберге тюшгенин сюзгендиле. Шёндюгю къыйын болумда бу иш бла кюрешгенлеге  къырал  жанындан себепликни  эмда башха проблемаланы юслеринден да хапарлагъандыла. Ахырында конференциягъа къатышханлагъа тийишли сертификатла берилгендиле.