Къара-Суугъа - жангы Маданият юй

Кёп болмай «Маданият» миллет проектни чеклеринде Къара-Сууда ишлене тургъан  Маданият юйню къурулушу бошала турады.  Аны эки жюз адам олтурурча уллу залы, библиотекасы, жыр,  актёр  эм  башха кружокла  бардырыргъа  кабинетлери бардыла. 

Бюгюнлюкде аны отоуларына  жангы мебель салып бошай турадыла. Аны бла бирге     арбазын да   айбатландырадыла – темирден омакъ буруу тартадыла, тёгерек-башны жашиллендиредиле.

Белгилисича, не заманда да  клубда тюрлю-тюрлю байрамла эм жыйылыула  ётедиле, ол себепден   аны уллу  социал магъанасы барды. Андан сора да,  чыгъармачылыкъ жаны бла хунерли  жаш адамла мында биринчи атамларын этерикдиле.