Жолланы тап халгъа келтиредиле

1 февраля, 2019 - 09:45

Къабарты-Малкъарда регион жолланы  63 километр чакълы биринде тынгылы ремонт этилликди. Дагъыда 25 километрине  кече жарытырча чыракъла орнатырыкъдыла.

Республиканы Жол мюлк управлениясыны таматасы Рафаэль Акопян билдиргеннге кёре, шёндюледе окъуна мадар этилип башланнганды. Ол санда жол жанларында  кир-кипчикни, тереклени артыгъы бла ёсген бутакъларын  кетерликдиле эмда ол жерлени планировкасын этерикдиле. «Бусагъатда ремонт ишлени башлардан алгъа проект-смета документацияны жарашдыра  турадыла. Конкурс халда  подряд организация да сайланнганды», - дегенди ол.

Дагъыда быйыл Нартан, Кенже, Чегем, Герменчик эм Октябрский элледе саулай да 25 километр жерде кече жарытырча  чыракъла орнатыллыкъдыла.  Планнга кёре, ишчиле бир айгъа сагъынылгъан жолланы тап халгъа келтирирге керекдиле.

 

Магометланы Сулейман.
  • 25 просмотров
Поделиться: