Къар юзюлмезине сакъдыла

25 января, 2019 - 08:22

Бу кюнледе Элбрусда къар юзюлюп тюшюуге къажау кюрешгенле Чегетде, Терс-Къолда эм Ишхилдиде битеу да онеки  участокда  топ бла 32 кере атдырып,алада жыйылгъан къарны эндиргендиле.   

Эсге сала айтсакъ, Къабарты-Малкъарда къар юзюлюрге боллукъ132 жер барды. Аладан эм къоркъуулугъа Азауну, Чегетни эм  Уллу Гара-Сууланы тийрелери саналадыла.  Чегетде  - 3040 метр эм Терс-Къолда 2125 метр бийикликледе орналгъан метеостанцияла къарны къалынлыгъына суткагъа сегиз кере контроль этедиле. Бюгюнлюкде Чегетде бла Терс-Къолда жыйылгъан къарны теренлигибиринчисинде 153 эм экинчисинде 76 сантиметрге жетеди.
   Солугъанланы къоркъуусузлукъларын жалчытыр ючюн  къар юзюлюрге боллукъ жерледе белгиле орнатылгъандыла эм башха амалла да этиледиле, деп билдиредиле МЧС-ни КъМР-де Баш управлениясындан.

Магометланы Сулейман.
  • 41 просмотр
Поделиться: