Газ ючюн тёленнген ахча жерине жетерикди

  Бу кюнледе билдиргенибизча, кёплени былтыр декабрьде газ ючюн тёлегенлери «Газпром межрегионгаз Нальчик» компаниягъа жетмей къалгъан эди. Аны алайлыгъы быллай тёлеулени жыйыу бла кюрешген «Интегра Софт» организация бла этилген келишим кючюн тас этгени бла байламлыды. Ызы бла, ары барып, заявление жазып, ахчагъызны артха алыгъыз деген хапарла да жюрюп башлагъандыла халкъда.
   Бу иш бла байламлы КъМР-ни отлукъ-энергетика комплексинде кемчиликлени сюзюу жаны бла ведомствола аралы къауумну кенгеши бардырылгъанды. Анда «Газпром межрегионгаз Нальчикни» бла «Интегра Софт» ООО-ну башчылары Александр Цыплухин бла Рустам Кочесоков оноулашып, сагъынылгъан тёлеуле газ бла жалчытыучу компаниягъа жетерча келишим этгендиле.
   Алай бла энди «Интегра Софт» организациягъа барып, заявление жазаргъа кереклиси жокъду. Сиз декабрь ючюн тёлегенигиз эсепге тюшгенди, ол бу айда келлик квитанцияда да кёргюзтюллюкдю.