Окъуучулагъа хакъсыз ауузланырны орунуна – ахча

Нальчик шахар округну жер-жерли администрациясы  окъутуу дистанция амал бла баргъан кезиуде 1-чи -4-чю класслада окъугъанлагъа, битеу да 15 578 жашчыкъгъа бла къызчыкъгъа, эрттенликге хакъсыз ауузланнганларыны орунуна ахча колмпенсация берирге оноу этгенди. Ол апрель ючюн тёленирикди. Аны алыр ючюн ата-анала (окъуучуланы законлу келечилери) билим бериу учреждениягъа заявление жазаргъа эмда лицевой счётну номерин  билдирирге керекдиле.

Документле (неда аланы суратха алыннган тюрлюлери, артда кеслерин да келтириу бла) класс башчыгъа электрон халда жибериледиле (электрон почта,  WhatsApp бла). Ахча лицевой счётха бу айны ахырына дери тюшерикди. Окъутуу дистанция амал бла андан ары да бардырылса, майда да башында айтылгъан окъуучулагъа окъуу кюнлеге кёре компенсация тёленирикди.

Андан сора да, шахарны оноучуларыны башламчылыкълары бла  саусуз сабийлеге аш-азыкъ хуржунла хазырлау иш бошала турады. Апрельде ала 976 балагъа юлешинирикдиле.