Жолчула дайым сагъайыудадыла

29 января, 2020 - 08:12

Автомашина жоллагъа къарагъан «Кавказ» Управленияда регионда къар аслам жаууп башланырына дайым хазырдыла. Ведомствода ышандыргъанларыча,  анга деп туздан бла юзмезден аслам къыстырыкъ этгендиле, ГИБДД, МЧС, МВД, Гидрометеорология ара бла да кече-кюн байламлыкъда ишлейдиле.

Бу кюнледе аслам къар жауаргъа боллугъу ючюн Ставрополь крайда, Къабарты-Малкъарда, Шимал Осетияда эмда Ингушетияда жоллада дежурствода тургъан специалистле бютюн сакъдыла, техника да бир тюрлю чырмаулукъ болса, жерине мычымай жетерча хазырды.
Бу кезиуледе жоллада тапсыз зат эслесегиз, аны юсюнден Управленияны диспетчер службасына +7 (8793) 33-11-59 номер бла сёлешигиз.

 

Улбашланы Мурат
  • 17 просмотров
Поделиться: