Къыш чырмау тюйюлдю

Республиканы жолларын  тапландырыу эмда тийишли излемлеге келишдириу ишле къыстау барадыла. КъМР-ни  тийишли  Управлениясындан билдиргенлерине кёре, подряд организацияланы  специалистлери Хасания - Герпегеж  жолну бир-бир жерлерин кенгертиу эмда жанларын тазалау бла кюрешедиле. 

Зольск районда Малка – Ингушли эмда Залукокоаже – Зольское – Белокаменка жоллагъа артыкъ жууукъ ёсген тереклени эмда юлкюлени тамырлары бла къырадыла, бордюрланы мюйюшлеринде жыйылгъан юзмезни да кетередиле. 
Быллай ишле Бахсан, Прохладна, Лескен районлада да бардырыладыла. Дагъыда жолланы бир кесегинде чунгурланы жамау бла да кюрешедиле.