Университетни атын айтдыргъандыЯникойчу Хутуйланы Тамерлан Юг федерал университетни Инженер-технология академиясыны Таганрогдагъы Компьютер технологияланы бла информация къоркъуусузлукъну институтуну 3 курсуну студентиди. Кёп болмай ол тенги Дмитрий Мингалёв бла бирге «Жаш устала» деген ючюнчю вузла аралы чемпионатха къатышханды. Жашла «Разработка решений с использованием блокчейн технологий» деген проектни хазырлагъандыла. Чемпионатха къыралыбызны 73 бийик билим берген окъуу юйюнден 500 жаш бла къыз къатышып, илмуда жетишимлерин ачыкълагъандыла. Ала кёргюзтген ишлени 500-ден артыкъ специалист сюзгендиле. Эришиуню ахыр кесеги Москвада ВДНХ-да ётгенди. Юг федерал университетни келечилери анда жетишимли болгъандыла. Студентлени проектлери бир алтын, эки кюмюш эм юч да доммакъ майдаллагъа тийишли болгъандыла. «Алтынны» уа вузгъа Хутуйланы Тамерлан бла Дмитрий Мингалёв къытхандыла. Суратда: Хутуйланы Тамерлан (солдан онгнга экинчи) ЮФУ-ну командасыны санында.
Поделиться:
Читать также:
22.07.2020 - 08:04 →
Китаплада окъугъанларына сейирлик жолоучулукълада тюшюнедиле
21.02.2020 - 08:13 →
Жер тюбюню сейир дуниясын тинте
22.01.2020 - 08:10 →
Жерлешибиз даражалы форумгъа къатышханды
18.12.2019 - 08:11 →
Къырал органла, жамауат, ата-анала да бирге кюч салып кюрешсек, жаланда ол заманда сёлеширикдиле сабийле ана тиллеринде
18.12.2019 - 08:07 →
Ырхыланы бойсундургъан алим
|