Россейни Жигитини атасын жокълагъандыла

Ата журтну жигитлерини кюнюнде КъМР-де МВД-ны келечилери Россейни Жигити Анатолий Кяровну атасын жокълагъандыла.  

Экстремизмге къажау араны башчысы Шамиль Галжиев ич ишле органланы къуллукъчуларыны атындан къайгъы сёз бере, Султан Патовичге аны батыр жашыны  аты унутулмагъанын белгилегенди. «Бюгюн да аны жюрек  жылыулукъ бла эсгеребиз»,-дегенди ол. 

Султан Кяров а ич ишле органланы келечилерине анга этилген себеплик ючюн ыспас этгенди. 

Эсигизге салайыкъ, Анатолий Кяров 2008 жылда 12 январьда аманлыкъчыланы къолларындан жоюлгъанды. РФ-ни Президентини Указы бла анга Россейни Жигити деген сыйлы ат  берилгенди. Бюгюнлюкде уа Анатолий Султановични аты Чегемде орамладан бирине, Нальчикде 4-чю номерли гимназиягъа берилгенди.