Жангы онгла берген грантны къытхандыла

22 ноября, 2019 - 08:20

   Россейни Жарыкъландырыу министерствосу кёп болмай «Жаш устала» деген проектни жашауда бардыргъанды. Анга битеу къыралдан орта профессионал билим берген окъуу учрежденияла къатышып, белгиленнген грант ючюн кюреш бардыргъандыла. Ол санда Нальчикден Гуманитар-техника колледж да. 
 

  Конкурсда бизни республиканы келечилери «Информация-коммуникация технологияла» деген номинацияда хорлагъандыла. Алай бла ала 28 миллионсомлукъ грантны къытхандыла эм кеслерини мюлк-техника базаларын тийишли халгъа келтирир онг тапхандыла. Дагъыда аны хайырындан колледжни тюрлю-тюрлю мастерскойлары ишлерин бийик даражада бардырлыкъдыла,  пенсиячыланы эм пенсия алыр заманлары жете келгенлени жангы усталыкъ алыр онглары боллукъду. 

Школчулагъа да энчи эс бёлюнюрюкдю. Алагъа деп билим бериу программала да ишлерикдиле. Алада кеслерин  сынагъан жашлагъа бла къызлагъа школну бошагъан кезиулеринде усталыкъ сайларгъа кёп да тынч боллукъду.

 

Таппасханланы Аминат.
  • 24 просмотра
Поделиться: