Кеси арбазларына кеслери иеле

Нальчикде Тарчоков атлы орамда кёп фатарлы юйледен бирини аллында арбазны тапландырыуну анда жашагъанла къолгъа алгъандыла. Озгъан шабат кюн аланы бир къаууму, бирча  чыгъып, тёгерек башны тазалагъандыла, къыртыш болурча жер къурагъандыла, терекчикле да орнатхандыла. Аланы тилеклерин дурус кёрюп, шахарны мэриясы ауур жюкле ташыгъан машина бла топуракъ жибергенди. Аны да къыртыш боллукъ тийреде жайгъандыла. 

«Хурметли жамауат! Быллай ахшы башламчылыкълагъа биз не заманда да билеклик этерге хазырбыз», -деп билдиргендиле Нальчикни администрациясындан.