Энтта тёрт орам жангыртылгъанды

Нальчикде орамлада жангы асфальт салыу бла байламлы аслам иш этилгенин ким да кёреди. Жол къурулушчула бу кюнлеге энтта да тёрт орамда тынгылы ремонт этип бошагъандыла, ол санда: Курчатова, Гагарина, Урожайная эм Ватутина. Алада жангыдан асфальт салыннганды, бордюрла эмда чыракъла орнатылгъандыла. Энтта да сегиз орамда иш къазауат барады.

Шахарны администрациясындан билдиргенлерича, ишле «Къоркъуусузлу эмда качестволу автомобиль жолла» деген проектни чеклеринде бардырыладыла. Аны кезиуюнде, алты жылны ичинде, муниципалитетде орамланы асламысы тийишли мардалагъа келиширча боллукъдула.