Энергокомпания налогларын заманында тёлейди

«Россети Шимал Кавказ» компанияны Къабарты-Малкъарда бёлюмю – «Каббалкэнерго» быйыл ал сегиз айыны ичинде тюрлю-тюрлю бюджетлеге налогла бла кёп къалмай 55 миллион сом тёлегенди, андан республиканы эмда жер-жерли бюджетлеге 0,19 миллион сом бёлюннгенди, деп билдиргендиле аны пресс-службасындан.

Компанияда белгилегенлерича, ток ючюн тёлеулени жыйыуда кёп чурумла болгъанына да къарамай, анда налогла тёлеу жаны бла борчларына уллу кёллю болмайдыла, заманында тындырадыла. Аны себепли «Каббалкэнерго» социал  жаны бла жууаплы компанияды, дейдиле.

Бу налогланы ичинде асламысы быладыла: НДС, тюшюрюлген файда, мюлк эмда транспорт ючюн тёлеуле. Бюджетледен тышында фондлагъа да аслам кесек бёлюнеди. Сёз ючюн, отчёт кезиуде Пенсия - 34,64, социальный страхование – 3,84 эмда медицина страхование фондлагъа - 8,12  миллион сом жиберилгенди.