Эсде къаллыкъ жарыкъландырыу байрамРоссей илмуну кюню белгилисича, Россей Федерацияны илму биригиуюне эм къыралыбызны илму бла кюрешген алимлерибизни жетишимлерине жораланнган байрамды. Аны 8 февральда белгилейдиле. Тёредеча, ол кюн Тырныауузну билим берген учрежденияларында кёп магъаналы ишле къуралыучудула. 5-чи номерли гимназияны устазлары бла окъуучулары да ол жумушладан артха турмагъандыла. Къууанчлы жыйылыуну мектепни директору Моллаланы Фатима Чабиловна ачханды. Ол сабийлени бюгюннгю эм тамблагъы кюнлеринде билим алыуну, илмугъа кереклисича эс бурууну магъанасы бек уллу болгъанын, эндиги тёлюню биринчи саууту билим болгъанын да айтханды. Гимназияны окъуучуларына 8 февраль дагъыда кеслери алларына оноу этиуню кюню болгъанды. Тамата классланы окъуучулары ата-анала бла бирликде школну администрациясыны къуллукъларын толтургъандыла. Башланнган классланы аналары уа сабийле бла сахна оюн да кёргюзтгендиле. Зауукълу ётген Илмуну кюню гимназияны окъуучуларыны эслеринде къаллыкъды.
Поделиться:
Читать также:
25.04.2024 - 18:49 →
Юйретиу ишде уллу магъанасы болгъан дерсле
25.04.2024 - 09:38 →
Тарыхдан дерслени саны кёбейирикди
24.04.2024 - 08:30 →
Районну атын иги бла айтдырадыла
23.04.2024 - 17:24 →
Патриот сезимлени айныта
18.04.2024 - 09:00 →
Ана тилни айнытыу амалланы сюзгендиле
|